ရခိုင်ပြည်နယ်၊ မောင်တောမြို့နယ် အင်းဒင်ရွာ လူ ၁၀ ဦးအား သတ်မှုနဲ့ ထောင်ဒဏ် ၁၀ နှစ် ကျခံနေရတဲ့ တပ်မတော်ာသား ၇ ဦးဟာ သမ္မတလွတ်ငြိမ်းသက်သာခွင့်နဲ့ လွတ်မြောက်တာမဟုတ်ဘဲ တပ်မတော်ရဲ့ တရားစီရင်ရေး လုပ်ငန်းစဉ်အရ လွတ်မြောက်တာလို့ နိုင်ငံတော်အတိုင်ပင်ခံရုံး ညွှန်ကြားရေးမှူး ချုပ် ဦးဇော်ဌေးက ပြောပါတယ်။
မေ ၃၁ ရက်နေ့က နေပြည်တော်၊ ပြန်ကြားရေးဝန်ကြီးဌာနမှာပြုလုပ်တဲ့ အစိုးရသုံးနှစ်ပြည့် သတင်းစာ ရှင်းလင်းပွဲမှာ အခုလို ပြောခဲ့တာပါ။
“တပ်မတော်သား အရာရှိစစ်သည် ၇ ဦးက တပ်မတော် တပ်ဥပဒေအရ ပြန်ပြီးတော့ အယူခံတင်ပါတယ်၊ အသနားခံစာတင်ပါတယ်။ တင်တဲ့အပေါ်မှာ တပ်မတော်ကာကွယ်ရေး ဦးစီးချုပ်ကနေပြီး စစ်ဥပဒေချုပ်ရုံးကို ပြန်ပြီးတော့ မေးမြန်းတယ်။ စစ်ဥပဒေချုပ်ရဲ့ ညွှန်ကြားခဲ့အရ ထောင်ဒဏ် ၁၀ နှစ်ကနေ ၁ နှစ်ကို လျှော့ချလိုက်တယ်ဆိုတာ ကျနော်တို့ သိရပါတယ်။ ဆိုလိုတာက သမ္မတရဲ့ ပြစ်ဒဏ်လွတ်ငြိမ်းခွင့်နဲ့ လွှတ်တာမဟုတ်ပါဘူး။ တပ်မတော် အက်ဥပဒေအရ၊ နောက်တခုက တပ်မတော်တရားစီရင်ရေး လုပ်ငန်းစဉ်အရ လုပ်ဆောင်သွားတာဖြစ်ကြောင်း ဖြေကြားလိုပါတယ်။”
ရခိုင်ပြည်နယ် အင်းဒင်ကျေးရွာမှာ လူ ၁၀ ဦးအား သတ်ခဲ့မှုနဲ့ပတ်သက်ပြီး တပ်မတော်အရာရှိ ၄ ဦး နဲ့ အခြားအဆင့် ၃ ဦးကို ၂၀၁၈ မတ်လမှာ ထောင် ၁၀ နှစ်ကျခံခဲ့ရပြီး ၁ နှစ်မပြည့်ခင်မှာ ပြတ်လွတ်လာတယ်လို့ သိရပါတယ်။
ပြီးခဲ့တဲ့ ၂၀၁၇ စက်တင်ဘာလက မောင်တောမြို့နယ် အင်းဒင်ကျေးရွာမှာ ဘင်္ဂါလီ ၁၀ အသတ်ခံခဲ့ရတာ ဖြစ်ပါတယ်။
