လီဗာပူးအသင်းဟာ အိုဆာဆူနာအသင်းရဲ့ တောင်ပံကစားသမား ဗစ်တာမူနော့ဇ်ကို ခေါ်ယူဖို့ အံ့အားသင့်စရာ ကမ်းလှမ်းမှုတခု လုပ်လိုက်ပါတယ်။
နယူးကာဆယ်ယူနိုက်တက်ရဲ့ ကစားသမားခေါ်ယူမှု သဘောတူညီချက်ကို လီဗာပူးက ကြားဖြတ် ခေါ်ယူတာ ဖြစ်ပါတယ်။
စပိန်ကစားသမား မူနော့ဇ်အတွက် ပေါင် ၃၄ ဒသမ ၆ သန်း တန်ကြေးရှိတဲ့ စာချုပ် ဖျက်သိမ်းကြေးကို လီဗာပူးက ပေးချေဖို့ သဘောတူခဲ့တာပါ။
နယူးကာဆယ်နဲ့ ဆွေးနွေးမှုတွေ ကြာမြင့်နေချိန်မှာ လီဗာပူးက အခုလို ဝင်ရောက်လာတာ ဖြစ်ပါတယ်။
မူနော့ဇ်ဟာ ဘာစီလိုနာနဲ့ ရီးရဲလ်မက်ဒရစ်တို့ရဲ့ လူငယ်အကယ်ဒမီထွက် ကစားသမားဖြစ်ပြီး သူ့ရဲ့ ပြောင်းရွှေ့ကြေးရဲ့ တစိတ်တပိုင်းကို ရီးရဲလ်မက်ဒရစ်က ရရှိပါတယ်။
စာချုပ်သက်တမ်းက ၂၀၃၂ ခုနှစ်အထိ ဖြစ်ပြီး လီဗာပူးက ရက်အနည်းငယ်အတွင်း အတည်ပြုမယ် လို့ မျှော်လင့်ရပါတယ်။
လက်ရှိမှာ မူနော့ဇ်ဟာ စပိန်အသင်းနဲ့အတူ ကမ္ဘာ့ဖလားပြိုင်ပွဲမှာ ပါဝင်နေပါတယ်။ ဒါဟာ နည်းပြသစ် အန်ဒိုနီ အီရာအိုလာရဲ့ လီဗာပူးအတွက် ပထမဆုံး ခေါ်ယူမှု ဖြစ်ပါတယ်။
Photo:Reuters
