ပုဂံ သရပါဟိုတယ်က အလုပ်ထုတ်ခံရတဲ့ အလုပ်သမား ၁၂ ဦးကို မန္တလေးတိုင်းဒေသကြီးအစိုးရက တွေ့ဆုံဆွေးနွေးဖို့ ဖိတ်ခေါ်လို့ သွားရောက်ခဲ့ပေမယ့် အစိုးရအဖွဲ့ရုံးထဲ တရားစွဲခံထားရသူတွေ ပါဝင်ခွင့်မရတာကြောင့် ဆွေးနွေးပွဲ ပျက်ပြယ်သွားတယ်လို့ အလုပ်သမားတွေက ပြောပါတယ်။
အလုပ်သမား သမဂ္ဂခေါင်းဆောင် ကိုနေမျိုးဝင်းက “ဆွေးနွေးခွင့်မရရင် ဒါရိုးသားတဲ့ ဆွေးနွေးမှုမဟုတ်ဘူး။ အဲဒါကြောင့် မန္တလေးတိုင်းဒေသကြီးရုံးရှေ့ကနေ အများရဲ့ ဆန္ဒသဘောထားအတိုင်း မတွေ့ဆုံတော့ပဲ လှည့်ပြန်တယ်။ `ဝန်ုကြီးချုပ်အောက်မှာ ကျနော်တို့ကို ပိတ်ပင်တားဆီးတဲ့ အဖွဲ့တွေရှိနေတယ်ဆိုတာ သိလိုက်ရတယ်။ ညောင်ဦးခရိုင် စီမံခန့်ခွဲရေးကလည်း ဒီဆွေးနွေးမှာကို တားဆီးပိတ်ပင်နေတဲ့ အနေအထားတွေရှိနေတယ်။”
အလုပ်သမားသပိတ်စစ်ကြောင်းကို သက်ဆိုင်ရာအာဏာပိုင်က အကြမ်းဖက်ဖြိုခွဲခဲ့ပေမယ့် အလုပ်ထုတ်ခံရသူတွေ အလုပ်ပြန်လည်ခန့်ထားပေးရေးအတွက် ဆက်လက်တောင်းဆို သွားမယ်လို့ သရပါဟိုတယ် အလုပ်သမားတွေက သတင်းစာရှင်းလင်းပွဲလုပ် ပြောကြားခဲ့ပါတယ်။
“ကျနော်တို့ ဆက်လက်တောင်းဆိုသွားမှာပါ။ ခုလက်ရှိ အစိုးရအနေနဲ့ အလုပ်သမားအရေးဖြေရှင်းရာမှာ အားနည်းတယ်။ အထူးသဖြင့်ကတော့ မန္တလေးတိုင်းဒေသကြီး အစိုးရကို အားမရဘူး လျစ်လျူရှု မျက်ကွယ်ပြုတာတွေများတယ်၊ မဖြစ်သင့်ဘူး။ နောက်ပြီး ခုလို အင်အားသုံးအကြမ်းဖက် ဖြိုခွင်းတာက လူသားလည်းမဆန်ဘူး မျက်နှာပန်းလည်း မလှဘူး၊ နိုင်ငံရဲ့ ပုံရိပ်ကျဆင်းစေတယ်” လို့ ပုဂံသရပါဟိုတယ် အလုပ်သမားသမဂ္ဂ ဥက္ကဋ္ဌ ကိုနေမျိုးဝင်းက ပြောပါတယ်။
ပုဂံသရပါဟိုတယ်က အလုပ်သမားတွေဟာ အောက်တိုဘာလ ၁၂ ရက်နေ့ကစပြီး အလုပ်ထုတ်ခံရတဲ့ အလုပ်သမားတွေကို အမြန်ဆုံး ပြန်လည်ခန့်ထားပေးဖို့ သပိတ်စခန်းဖွင့်ပြီး တောင်းဆိုတဲ့ရက်ပေါင်း ၆၀ ပြည့်တဲ့ ဒီဇင်ဘာလ ၁၁ ရက်နေ့မနက် ၁ နာရီအကျော်မှာ သရပါဟိုတယ်အလုပ်သမား သပိတ်စခန်းကို ဖြိုခွင်းခံခဲ့ရတာပါ။
ဒ်ီဘာ ၁၃ ရက်နေ့မှာတော့ သရပါ ဟိုတယ် အလုပ်သမားတွေနဲ့အတူ အခြားစက်ရုံတွေက အလုပ်ထုတ်ခံအလုပ်သမားတွေနဲ့ ၀န်းရံသူတွေ ပူးပေါင်းပြီး မန္တလေးတိုင်းဒေသကြီး ညောင်ဦးခရိုင် ပုဂံယဉ်ကျေးမှုနယ်မြေကနေ နေပြည်တော်အထိ ချီတက်လာတဲ့ သပိတ်စစ်ကြောင်းဟာ ညောင်ဦးအထွက် ကျောက်ကူကွေ့မှာ အင်အားသုံး ဖြိုခွင်းခံခဲ့ရပါတယ်။
အလုပ်သမားသမဂ္ဂ ဥက္ကဋ္ဌ ကိုနေမျိုးဝင်း အပါအဝင် သပိတ်စစ်ကြောင်းမှာပါဝင်ခဲ့တဲ့ အလုပ်သမားတွေနဲ့ ၀န်းရံခဲ့သူ ၁၄ ဦးဟာ ငြိမ်းချမ်းစွာစုဝေးခွင့်နဲ့စီတန်းလှည့်လည်ခြင်း ဥပဒေ ပုဒ်မ (၁၉) နဲ့ အမှုဖွင့်ခံထားရပါတယ်။
သရပါဟိုတယ်က ပြီးခဲ့တဲ့ သြဂုတ် ၂၄ ရက်နေ့က အလုပ်သမားသမဂ္ဂခေါင်းဆောင် အချို့နဲ့အတူ အလုပ်သမား ၁၂ ဦးကို အကြောင်းပြချက်မရှိဘဲ အလုပ်က တရားဝင် ထုတ်ပစ်ခဲ့တာလည်း ဖြစ်ပါတယ်။
သတင်း-ကိုကိုလင်း (ချောက်)၊ အောင်အောင်နိုင်
