စစ်​ကိုင်းတိုင်း​ဒေသကြီး၊ စစ်ကိုင်းမြို့နယ်၊ ရှင်ဖြူရှင်လှကျေးရွာအနီး စစ်ကိုင်း-မင်းကွန်းသွား ကားလမ်းဘေး၊ ဆွမ်းဦးပုညရှင် မြစ်ရေတင်ရေစက်အနီးမှာ ဧရာဝတီမြစ်ထဲ နစ်မြုပ်နေတဲ့ ကားတစီးကို နိုဝင်ဘာ ၇ ရက်က ဒေသခံတွေ ပြန်လည်ဆယ်ယူခဲ့ရပါတယ်။

မြစ်ထဲနစ်မြုပ်နေတဲ့ကားကို ကုန်းပေါ် ပြန်လည်ဆွဲတင်နိုင်​ဖို့ လူမှုကူညီရေးအသင်းတွေနဲ့ ဒေသခံပြည်သူတွေက ကြိုးစားပြီး ကြိုးနဲ့ချည်ကာ အကြိမ်​ကြိမ်​ဆွဲယူခဲ့​ပေမယ့် မရလို့ ကျွမ်းကျင်တဲ့​ ရေလုပ်သား​တွေကို​ အကူအညီ​တောင်းကာ ကရိန်းနဲ့ ဆယ်​ယူခဲ့ရပါတယ်။

ကားနစ်မြုပ်နေတာကို ပထမဆုံး​တွေ့ရှိခဲ့တဲ့ ဦးပဉ္စင်းတပါးက သက်ဆိုင်ရာကို အကြောင်းကြားခဲ့လို့ ဆယ်ယူနိုင်ခဲ့တာလို့ ရှင်ဖြူရှင်လှကျေးရွာနေ ရေလုပ်သား ဦးဆန်းထွန်းက ပြောပါတယ်။​

“ကားမြုပ်နေတယ်ဆိုတာ အရင်ဆုံးမြင်တာ ဦးပဉ္စင်းလေးပါ။ ကျနော်တို့တွေ့နေတာ လေးရက်လောက်တော့ရှိပြီ​လေ၊ ကားမှန်းမသိဘူး။ ထင်လည်းမထားဘူး။”

အခုဆယ်ယူလို့ရတဲ့ကားဟာ စူပါကာစတန် အမျိုးအစားဖြစ်ပြီး ကားပိုင်ရှင် ဘယ်သူဘယ်ဝါလဲဆိုတာ မသိရသေးဘဲ ကားမှာ အာယုပါလ ကျန်းမာရေးစောင့်ရှောက်ရေး အသင်း ဝက်တိုး(မ)ကျေးရွာလို့ စာတန်း​ရေးထိုးထားပါတယ်​။ ဝက်​တိုး​မြောက်​​ကျေးရွာဟာ စစ်​ကိုင်းတိုင်း​၊ ကန့်​ဘလူ​နယ်​​မြေအတွင်းမှာရှိတာ ဖြစ်ပါတယ်။

အဲဒီကား မြစ်ရေထဲ နစ်မြုပ်သွားခဲ့ရတာနဲ့ ပတ်သက်ပြီး ဖြစ်​စဉ်​အမှန် ဖော်​ထုတ်​နိုင်ဖို့ စုံစမ်းစစ်ဆေး​နေတယ်လို့ စစ်ကိုင်းမြို့၊ အမှတ် ၂ နယ်မြေရဲစခန်း တာဝန်​ရှိသူက ပြောပါတယ်​။