စပါးနောက်ခံလူ မစ်ကီဗန်ဒီဗန်က ပရီးမီးယားလိဂ် ပြိုင်ဘက်အသင်းတွေကို သတိပေး လိုက်ပါတယ်။ 

စပါးအသင်းဟာ နွေရာသီအပြောင်းအရွှေ့မှာ ပေါင် ၂၃၇ သန်းအထိ သုံးစွဲပြီး ကစားသမားသစ်တွေ ခေါ်ယူခဲ့တာပါ။

ပြီးခဲ့တဲ့ရာသီက တန်းဆင်းဇုန်ကနေ ရုန်းကန်ခဲ့ရတဲ့ စပါးအသင်းဟာ အခုတော့ အသစ်ဖြစ်လာမဲ့ အသင်းတသင်းအဖြစ် ပြန်လည်ပေါ်ထွက်လာမှာ ဖြစ်တယ်လို့ ဗန်ဒီဗန်က ဆိုပါတယ်။

ဗန်ဒီဗန်ကတော့ ကလပ်ရဲ့ ရည်မှန်းချက်ကြီးတဲ့ အသုံးစရိတ်ကို ချီးကျူးခဲ့ပါတယ်။ ဒီလို ရင်းနှီးမြှုပ်နှံမှုတွေကြောင့် စပါးအသင်းဟာ ပိုမိုအားကောင်းလာမှာဖြစ်ပြီး ပြိုင်ဘက်တွေအတွက် စိန်ခေါ်မှုဖြစ်လာမယ်လို့ သူက ပြောပါတယ်။

အခုလို သတိပေးလိုက်တာဟာ လာမဲ့ရာသီအတွက် စပါးရဲ့ ယုံကြည်မှုနဲ့ အင်အားကို ပြသလိုက်တာပါပဲ။

Photo:Reuters