ယူကရိန်းတပ်ဖွဲ့တွေဟာ ဧပြီ ၂၃ ရက်မှာ ခါကိဗ်ဒေသထဲက ရုရှားတပ်စခန်းတွေကို ပြည်တွင်းထုတ် ဗောဒါနာ ဟော်ဝစ်ဇာလက်နက်ကြီးတွေနဲ့ ပစ်ခတ်ခဲ့ပါတယ်။

ယူကရိန်း စစ်သားတွေဟာ ရန်သူရဲ့ တန်ပြန်ပစ်ခတ်မှုအန္တရာယ်ကို လျှော့ချဖို့ ဟောင်ဝစ်ဇာ အမြောက်စနစ်ကို ကျည်ဖြည့်တာ၊ ပစ်ခတ်တာနဲ့ အမြန်ပုန်းခိုတာတွေ လုပ်ခဲ့ကြပါတယ်။ 

ယူကရိန်းကာကွယ်ရေးတပ်တွေက ဧပြီလ ၂၄ နဲ့ ၂၅ ရက်အစောပိုင်းအတွင်း ယာယီသိမ်းပိုက်ထားတဲ့ နယ်မြေတွေနဲ့ ရုရှားနိုင်ငံထဲက ရုရှားစစ်ဘက်ဆိုင်ရာ အခြေခံအဆောက်အအုံတွေကို တိုက်ခိုက်ခဲ့ပြီး ကွပ်ကဲရေးစခန်းတွေ၊ ခဲယမ်းသိုလှောင်ရုံတွေနဲ့ ဒရုန်းထိန်းချုပ်ရေးစင်တာတွေကို ပစ်မှတ်ထားခဲ့ပါတယ်။

ရုရှားတပ်ဖွဲ့တွေသုံးတဲ့ စစ်ဆင်ရေးနဲ့ ထောက်ပံ့ပို့ဆောင်ရေးဆိုင်ရာ ပစ်မှတ်အမျိုးမျိုးကို တိုက်ခိုက်ခဲ့တယ်လို့ ယူကရိန်းလက်နက်ကိုင် တပ်ဖွဲ့တွေရဲ့ စစ်ဦးစီးအရာရှိက ဧပြီ ၂၅ ရက်မှာ ပြောပါတယ်။

ယူကရိန်းတပ်တွေဟာ လူဟန်စ်ဒေသက ဘီလိုလပ်စ်ရွာနားမှာရှိတဲ့ ရုရှား ခဲယမ်းသိုလှောင်ရုံ တစ်ခုအပြင် ဒန်ညက်စ်ဒေသက ဘွိုင်ကစ်ဗ်စကီနဲ့ ဇာပိုရစ်ရှားဒေသက နိုဗိုဆာလီဗ်ကာနဲ့ ဟူလီယာပိုလီရွာတွေမှာရှိတဲ့ ထောက်ပံ့ပို့ဆောင်ရေးဂိုဒေါင်တွေကို တိုက်ခိုက်ခဲ့တယ်လို့ စစ်ဦးစီး အရာရှိက အစီရင်ခံပါတယ်။ 

ရုရှားနိုင်ငံ ကာ့စ်ဒေသက တီယို့ကီနို၊ ဇာပိုရီဇီးယားဒေသက ဗီယာတို ထရွိုက်စ်ကီ၊ ဒန်ညက်စ်ဒေသက နိုဗိုပက်ထရီကစ်ဗ်ကာ၊ လူဟန့်စ်ဒေသက လိုင်စီချန်စ် တို့မှာရှိတဲ့ ကွပ်ကဲရေးနဲ့ စောင့်ကြည့်ရေးစခန်းတွေကို ယူကရိန်းက ပစ်မှတ်ထားခဲ့ပါတယ်။

ဒါ့အပြင် ယူကရိန်းတပ်တွေက ဇာပိုရစ်ရှားဒေသက ဟူလီယာပိုလီနဲ့ ဇာလစ်ဇီးယားရွာတွေနားက ရုရှားဒရုန်း ထိန်းချုပ်ရေးနေရာတွေကို တိုက်ခိုက်ခဲ့ပါတယ်။ 

ဆူမွေဒေသက ဆိုပစ်ချ်ရွာ လူဟန့်စ်ခ်ဒေသက ဆိုလွန်စီနဲ့ ဒန်ညက်စ်ခ်ဒေသက ရိုဒင်စကီနဲ့ ကိုစတီယန် တီနစ်ဗ်ကာ ရွာတွေနားက ရုရှားတပ်ဖွဲ့ဝင်တွေ စုစည်းနေထိုင်ရာ နေရာတွေကိုလည်း ပစ်မှတ်ထားခဲ့ပါတယ်။ ရုရှားတို့ရဲ့ ပျက်စီးဆုံးရှုံးမှုပမာဏကို အကဲဖြတ်နေဆဲ ဖြစ်တယ်လို့ စစ်ဦးစီးချုပ်က ဆိုပါတယ်။ 

NASA FIRMS ရဲ့ ဂြိုဟ်တုအခြေပြု မီးစောင့်ကြည့်ရေးဒေတာတွေအရ ဧပြီလ ၂၅ ရက် ညက လစ်စီချန်စ်ရွာမှာ အကြီးစားမီးလောင်မှုတခုကို တွေ့ရှိခဲ့ပြီး ပစ်မှတ်ထားတဲ့ နေရာတခုမှာ ပျက်စီးဆုံးရှုံးမှုတွေ ရှိနိုင်တယ်လို့ ညွှန်ပြထားပါတယ်။

Source: Reuters