အာဆင်နယ်အသင်းရဲ့ ဝန်ထမ်း ၆၀ ကို လျှော့ချမဲ့ ဆုံးဖြတ်ချက်ဟာ အသင်းလိုချင်တဲ့ အောင်မြင်မှု တွေ ဖန်တီးနိုင်ဖို့ဖြစ်တယ်လို့ အသိပေးထားကြောင်း နည်းပြ အာတီတာက ပြောပါတယ်။

အာဆင်နယ်အသင်းဟာ မကြာသေးမီက ပရီးမီးယားလိဂ်ဖလား ရရှိခဲ့ပေမဲ့ လုပ်ငန်းလည်ပတ်မှု စရိတ်တွေ မြင့်တက်လာတာကြောင့် အားကစား မဟုတ်တဲ့ ကဏ္ဍအသီးသီးက ဝန်ထမ်း ၇ ရာခိုင်နှုန်း လောက်ကို လျှော့ချဖို့ စီစဉ်နေတာ ဖြစ်ပါတယ်။

နော်တင်ဟမ်ဖောရက်စ်နဲ့ ပွဲကြို သတင်းစာရှင်းလင်းပွဲမှာ နည်းပြအာတီတာက အခု သုံးသပ် ဆန်းစစ်မှုတွေဟာ အသင်း ပိုမိုတိုးတက်လာရေးနဲ့ လိုအပ်တဲ့နေရာတွေမှာ ဆက်လက် ရင်းနှီးမြှုပ်နှံ နိုင်ဖို့အတွက် ဖြစ်တယ်လို့ ရှင်းပြထားပါတယ်။ 

အာတီတာဟာ တနှစ်လစာ ပေါင်သန်း ၂၀ တန်ဖိုးရှိတဲ့ စာချုပ်သစ်ကို ချုပ်ဆိုပြီး ရက်ပိုင်းအကြာမှာပဲ ဒီကိစ္စနဲ့ ပတ်သက်ပြီး ဝေဖန်မှုတွေနဲ့ ရင်ဆိုင်နေရတာပါ။

အာဆင်နယ်အသင်းဟာ မကြာသေးခင်က ရိုက်ကူးခဲ့တဲ့ အသင်းလိုက်ဓာတ်ပုံမှာ နောက်ခံလူ ဝီလီယံဆာလီဘာ မပါဝင်ခဲ့တာကြောင့် ဓာတ်ပုံကို ပြန်လည်ရိုက်ကူးသွားမယ်လို့ အတည်ပြုပါတယ်။ 

အသင်းရဲ့ ဝန်ထမ်းလျှော့ချရေး အစီအစဉ်ဟာ အောင်မြင်မှုလမ်းကြောင်းအတွက် မဖြစ်မနေ လုပ်ဆောင်ရတာဖြစ်ကြောင်း နည်းပြ အာတီတာက ထပ်လောင်းပြောကြားခဲ့ပါတယ်။

Photo:Reuters