ဟန်တာဗိုင်းရပ်စ်ဟာ အရမ်းကောင်းတဲ့ ထိန်းချုပ်မှုအောက်မှာ ရှိတယ်လို့ အမေရိကန်သမ္မတ ဒေါ်နယ်ထရမ့်ပ်က ‌ပြောပါတယ်။

ဟန်တာဗိုင်းရစ်ဖြစ်ပွားနေတဲ့အတွက် ကမ္ဘာ့ကျန်းမာရေးအဖွဲ့က နုတ်ထွက်ခဲ့တာနဲ့ပတ်သက်ပြီး ပြန်စဉ်းစားမှာလားဆိုတဲ့ မေးခွန်းကို ထရမ့်ပ်က ဖြေကြားခဲ့တာပါ။

ထရမ့်ပ်က “ဟန်တာဗိုင်းရပ်စ်ကို ကောင်းကောင်ထိန်းချုပ်နိုင်ပုံရပါတယ်။ ဒီဗိုင်းရပ်စ်က ပေါ်တာ ကြာပြီဖြစ်တာကြောင့် ဗိုင်းရပ်စ်အကြောင်း ကောင်းကောင်းသိထားကြပါတယ်။ ဒီရောဂါက ကိုဗစ်နဲ့ မတူဘဲ ကူးစက်ဖို့ မလွယ်ပါဘူး။ ဒါပေမဲ့ ဒီဗိုင်းရပ်စ်ကို လေ့လာနေပါတယ်။ အရမ်းတော်တဲ့ သူတွေ နဲ့ ကျနော်တို့ သေချာလေ့လာနေ့ပါတယ်”လို့ ပြောပါတယ်။

အပျော်စီး သင်္ဘောပေါ်မှာ ဟန်တာဗိုင်းရပ်စ်ဖြစ်ကူးစက်မှုဖြစ်ပွားခဲ့ပြီး ၈ ယောက် ဖျားခဲ့ကာ ၃ ယောက် သေဆုံးခဲ့ပြီး ၆ ယောက်က ရောဂါကူးစက်ခံရတယ်လို့ ကမ္ဘာ့ကျန်းမာရေးအဖွဲ့ WHO က အတည်ပြုထားပါတယ်။ 

ခရီးသည် ၁၄၇ ယောက် လိုက်ပါခဲ့တဲ့ အဲ့ဒီသင်္ဘောဟာ မေ ၂ ရက်မှာ စတင် ဖြစ်ပွားခဲ့တာပါ။ သင်္ဘောပေါ်မှာပါတဲ့ ခရီးသည်တွေနဲ့ ဝန်ထမ်းတွေရဲ့ အခြေအနေက မစိုးရိမ်ရကြောင်း၊ အနီးကပ် ဆက်ဆံသူတွေသာ ကူးစက်တာတွေ့ရကြောင်း WHO က ပြောထားပါတယ်။

ဒါ့အပြင် ဟန်တာဗိုင်းရပ်စ်က ကမ္ဘာကို ကူးစက်နိုင်ခြေနည်းပါးကြောင်း WHO က ကြေညာထား ပါတယ်။ 

Source:Reuters