အီရန်နိုင်ငံပိုင် ရုပ်မြင်သံကြားဌာနမှာ သတင်းကြေညာသူ တယောက်ဟာ မေ ၁၅ ရက်က တိုက်ရိုက် ထုတ်လွှင့်မှုအတွင်း ရိုက်ကူးရေး စတူဒီယိုထဲမှာ သေနတ်ပစ်သင်တန်းဆရာတယောက်နဲ့ စကားပြောနေချိန်မှာ အာရပ်စော်ဘွားများပြည်ထောင်စု (UAE) နိုင်ငံရဲ့ အလံကို သေနတ်နဲ့ ပစ်ခတ်ခဲ့ပါတယ်။ 

အိုးဖို့ ရုပ်သံလိုင်းက တိုက်ရိုက်ထုတ်လွှင့်တဲ့ အစီအစဉ်မှာ ကလာရှ်နီကော့ဗ် ရိုင်ဖယ်ကို ကိုင်တွယ်နည်း သင်ကြားရေးအပိုင်းကို ပြသထားတာပါ။ 

စစ်ဝတ်စုံ ဝတ်ထားတဲ့ မျက်နှာဖုံးစွပ် သင်တန်းဆရာတယောက်က လက်နက်ကို ဘယ်လိုပြင်ဆင်ပြီး ပစ်ခတ်ရမလဲ ဆိုတာကို သတင်းကြေညာသူကို သရုပ်ပြထားပါတယ်။

‘အီရန်အတွက် အသက်စွန့်ခြင်း’ လှုပ်ရှားမှုမှာ သတင်းတင်ဆက်သူက စေတနာ့ဝန်ထမ်းအဖြစ်  အသင့်ဖြစ်မှုနဲ့ ဆက်စပ်နေတယ်ဆိုတဲ့ ပုံစံကို အပိုင်းလိုက်ဖော်ပြတဲ့ အစီအစဉ်တွေထဲမှာ မြင်နေရတယ်လို့ ဒေသခံမီဒီယာတွေက သုံးသပ်ပါတယ်။ 

အမေရိကန်၊ အစ္စရေးတို့နဲ့ စစ်ပွဲကို တုံ့ပြန်တဲ့အနေနဲ့ စေတနာ့ဝန်ထမ်းအစီအစဉ်မှာ လူပေါင်း ၃၁ သန်းကျော် စာရင်းသွင်းထားပြီးပြီလို့လည်း အစီရင်ခံထားပါတယ်။

အမေရိကန်-အစ္စရေးတို့ရဲ့ အီရန်အပေါ် တိုက်ခိုက်မှုတွေကို တုံ့ပြန်တဲ့အနေနဲ့ အီရန်က ပင်လယ်ကွေ့နိုင်ငံတွေအပေါ် တိုက်ခိုက်ရာမှာ အိမ်နီးချင်းတွေထက် UAE နိုင်ငံကို ပိုပစ်မှတ်ထားခဲ့တာပါ။

ဒါကြောင့် UAE ရဲ့ အရပ်ဘက်အခြေခံ အဆောက်အအုံတွေနဲ့ စွမ်းအင်စက်ရုံတွေ ထိခိုက်ပျက်စီးခဲ့ပါတယ်။

UAE ကလည်း အမေရိကန်၊ အစ္စရေးတို့နဲ့ ဆက်ဆံရေးကို ၂ ဆတိုးမြှင့်ရင်းတုံ့ပြန်ခဲ့ပြီး ၂၀၂၀ အာဗြဟံသဘောတူညီချက်တွေထဲမှာ ဆက်ဆံရေးကို ပုံမှန်ဖြစ်အောင် လုပ်ခဲ့ပါတယ်။  

Source: Reuters