၂၀၁၅ ခုနှစ်အတွက် ပြည်သူ့ဂုဏ်ရည်ဆုရှင်အဖြစ် သာယာဝတီထောင်မှာ ဖမ်းဆီးခံနေရတဲ့ ဗကသကျောင်းသူ မဖြိုးဖြိုးအောင်ကုို အမေရိကန်အခြေစိုက် ဆုရွေးချယ်ရေးအဖွဲ့က ပေးအပ်ချီးမြှင့်လိုက်ပါတယ်။
ကိုယ်ကျိုးစွန့်အနစ်နာခံမှု၊ ကျယ်ပြန့်ထိရောက် အောင်မြင်မှု၊ နိုင်ငံနဲ့ နိုင်ငံသားတို့အတွက် စံပြဖြစ်မှု စတဲ့ ဆုရွေးချယ်ရေးမူတွေအရ ပညာရေးစနစ် ပြုပြင်ပြောင်းလဲရေးအတွက် စွန့်လွှတ်လှုပ်ရှား တိုက်ပွဲဝင်ခဲ့တဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) ရဲ့ အထွေထွေအတွင်းရေးမှူး လက်ရှိ သာယာဝတီထောင်တွင်းမှာ မတရားဖမ်းဆီး ချုပ်နှောင်ခံနေရတဲ့ မဖြိုးဖြိုးအောင်ကို ရွေးချယ်လိုက်တာ ဖြစ်ပါတယ်။
ဆုအတွက် ဆုကြေးငွေအဖြစ် အမေရိကန်ဒေါ်လာ ၁ သောင်း ရရှိမှာဖြစ်ပြီး အများအကျိုး သယ်ပိုးထမ်းဆောင်နိုင်ရေးအတွက် ရည်ရွယ်ပေးအပ်တာ ဖြစ်ပါတယ်။
အခုနှစ် အထူးဆုရှင်အဖြစ် ရွေးချယ်ခံရတဲ့ ၂ ဦးကတော့ ဆင်းရဲတဲ့ပြည်သူတွေအတွက် တန်ဖိုးသင့်ညစာ ရောင်းချပေးနေတဲ့ ဒေါက်တာ နန္ဒ၀င်းနဲ့ အခမဲ့စာကြည့်တိုက် တည်ထောင်သူ ကုိုဇော်ဇော်တုို့ ဖြစ်ပါတယ်။ အထူးဆုတွေကုိုတော့ ဒေါ်လာ ၁ ထောင်စီ ချီးမြှင့်မှာပါ။
ပြည်သူ့ဂုဏ်ရည်ဆုကို အမေရိကန်ပြည်ထောင်စုမှာရှိကြတဲ့ မြန်မာနိုင်ငံသားတွေနဲ့ နိုင်ငံတကာမှာ ရောက်နေကြတဲ့ တခြား မြန်မာပြည်ဖွား တိုင်းရင်းသားတွေနဲ့ ဖွဲ့စည်းထားတာဖြစ်ပြီး မြန်မာပြည်မှာ အများအကျိုးအတွက် ကိုယ်ကျိုးစွန့်ပြီး စွမ်းစွမ်းတမံ ဆောင်ရွက်နေကြသူတွေကို နှစ်စဉ်ရွေးချယ်ပြီး ပြည်သူ့ဂုဏ်ရည်ဆုကို ချီးမြှင့်နေတာပါ။
ပြည်သူ့ဂုဏ်ရည်ဆုကို ၂ဝ၁ဝ ခုနှစ်ကစလို့ ရွေးချယ်လာခဲ့တာဖြစ်ပြီး ဒီနှစ်ပါနဲ့ဆိုရင် ၆ ကြိမ်မြောက် ရှိသွားပြီ ဖြစ်ပါတယ်။
