ကရင်ပြည်နယ်၊ မြဝတီမြို့​တောင်ဘက် ​ဝေါ​လေမြိုင် ထီးသဲလယ် စစ်အာဏာရှင် တပ်စခန်းကနေ ဧပြီ ၂၀ ရက်​ မနက် ၆ နာရီလောက်မှာ ၁၂၀ မမ လက်နက်ကြီးနဲ့ ပစ်ခတ်လို့ ​ဝေါ​လေမြိုင် ရပ်ကွက် ၃ မှာ ကျ​ရောက်​ပေါက်ကွဲပြီး ​ရွာသား ၂ ယောက် ထိခိုက်ဒဏ်ရာ ရရှိ​ခဲ့ပါတယ်။

အသက် ၅၆ နှစ်နဲ့ အသက် ၂၁ နှစ်အရွယ် အမျိုးသား ၂ ယောက် ဗိုက်နဲ့ ခြေ​ထောက်တို့မှာ ဒဏ်ရာတွေရရှိခဲ့ပြီး နေအိမ် ၄ လုံး၊ ကား ၃ စီး ထိခိုက်ပျက်စီးခဲ့တယ်လို့ ကရင်စစ်ရေး သတင်းရင်းမြစ်က ပြောပါတယ်။

ထီးသဲလယ် စစ်​ကောင်စီစခန်းကို ကရင်အမျိုးသားလွတ်မြောက်ရေးတပ်မတော် (KNLA) ပူး​ပေါင်းတပ်ဖွဲ့တို့က စခန်းသိမ်းတိုက်ပွဲ ဆက်လက်ဆင်နွှဲနေတာပါ။

မြဝတီမြို့​တောင်ဘက် မင်းလက်ပံရွာ ဖလူးကြီးဘက်မှာလည်း ဧပြီ ၁၈ ရက်က KNLA ပူး​ပေါင်းအဖွဲ့နဲ့ စစ်တပ်တို့ တိုက်ပွဲပြင်းထန်​ခဲ့ပါတယ်။

KNLA ပူး​​ပေါင်းတပ်​တွေက လက်နက်ကြီး လက်နက်ငယ်တွေနဲ့ ဒရုန်းတွေ အသုံးပြုပြီး ခုခံပစ်ခတ်နေတဲ့အတွက် အင်အားသုံး ထိုးစစ်ဆင်လာတဲ့ စစ်အာဏာရှင်ရဲ့တပ်တွေ အ​ရှေ့မတိုးနိုင်ဘဲ တိုက်ပွဲပြင်းထန်နေတယ်လို့ သိရပါတယ်။

ဖိုးစီ