မြောက်ကိုရီးယားခေါင်းဆောင် ကင်မ်ဂျုံအန်းက တောင်ကိုရီးယားနယ်စပ်မှာရှိတဲ့ ရှေ့တန်းတပ်ဖွဲ့တွေအပြင် တခြား အဓိကတပ်ဖွဲ့တွေကို အားဖြည့်တာဟာ “စစ်ပွဲကို ပိုပြီးပြည့်စုံအောင် တားဆီးဖို့ အဓိကသော့ချက်” ဖြစ်တယ်လို့ တပ်မတော်တပ်မှူးတွေကို ပြောခဲ့တဲ့အကြောင်း နိုင်ငံပိုင်မီဒီယာ KCNA က မေ ၁၈ ရက်မှာ ဖော်ပြပါတယ်။

KRT နိုင်ငံပိုင်မီဒီယာက ထုတ်လွှင့်တဲ့ ဗီဒီယိုထဲမှာ ကင်မ်ဂျုံအန်းက မေ ၁၇ ရက်မှာ တပ်မတွေနဲ့ တပ်မဟာတွေရဲ့ တပ်မှူးတွေနဲ့ တွေ့ဆုံခဲ့တာကို ထုတ်လွှင့်ပြသခဲ့ပါတယ်။

ခေတ်သစ်စစ်ပွဲနဲ့ မြောက်ကိုရီးယားစစ်တပ် ဖွံ့ဖြိုးတိုးတက်မှုဆိုင်ရာ အပြောင်းအလဲတွေကို ထင်ဟပ်စေဖို့ လေ့ကျင့်ရေးစနစ်ကို ချိန်ညှိဖို့နဲ့ လက်တွေ့လေ့ကျင့်ခန်းတွေကို တိုးချဲ့ဖို့ ကင်မ်ဂျုံအန်းက တောင်းဆိုခဲ့တယ်လို့ နိုင်ငံပိုင်မီဒီယာက ဖော်ပြပါတယ်။

စီစဉ်ထားတဲ့ စီမံကိန်းတွေက စစ်ရေးနဲ့ နည်းပညာဆိုင်ရာ ပစ္စည်းကိရိယာတွေကို အမြန် ခေတ်မီအောင် ပြုခြင်းနဲ့ အညီ ဆောင်ရွက်ချက်ဆိုင်ရာ သဘောတရားတွေကို ပြန်သတ်မှတ်သင့်ပြီး တပ်ဖွဲ့အဆင့် တိုက်ခိုက်ရေးဆိုင်ရာ လေ့ကျင့်ရေးမှာ အသုံးချသင့်တယ်လို့လည်း ကင်မ်ဂျုံအန်းက ပြောခဲ့ပါတယ်။

မြောက်ကိုရီးယားက တောင်ကိုရီးယားအတွက် သုံးခဲ့တဲ့ “ရန်သူကြီး” ဆိုတဲ့ အသုံးအနှုန်းအပေါ် အယူဝါဒဆိုင်ရာ သစ္စာစောင့်သိမှုနဲ့ သတိရှိမှု လိုအပ်တယ်လို့ ကင်မ်ဂျုံအန်းက အလေးပေး ပြောခဲ့တယ်လို့လည်း နိုင်ငံပိုင်မီဒီယာက ပြောပါတယ်။

Source: Reuters