ဟင်္သာတမြို့နယ်မှာ ဧပြီလက ကြုံတွေ့ခဲ့ရတဲ့ မီးဘေးလေဘေးသင့် အိမ်ထောင်စု ၁၂၄ စုအတွက် မြန်မာနိုင်ငံကြက်ခြေနီအသင်းက ကယ်ဆယ်ရေးပစ္စည်းတွေကုို မေလ ၂၄ ရက်နေ့က  ထောက်ပံ့ ပေးအပ်ခဲ့ပါတယ်။

ဟင်္သာတမြို့နယ်အထွေထွေအုပ်ချုပ်ရေးဦးစီးရုံး အစည်းအဝေးခန်းမှာ ပြုလုပ်ခဲ့ပြီး  မိုးသက်လေပြင်းတိုက်ခတ်မှုကြောင့် အမိုးလှန်ပြိုကျပျက်စီးခဲ့တဲ့ လေဘေးသင့်အိမ်ထောင်စု ၁၁၉ စု နဲ့ မီးဘေးသင့် အိမ်ထောင်စု ၅ စုအတွက် ကူညီထောက်ပံ့တာ ဖြစ်ပါတယ်။

ဟင်္သာတမြို့နယ်တွင် ဧပြီ နောက်ဆုတ်ပတ်အတွင်း တိုက်ခတ်ခဲ့တဲ့ မိုးသက်လေပြင်းကြောင့် စစ်ကွင်းကျေးရွာ၊ သူဌေးကုန်းကျေးရွာ၊ ကုန်းကြီးကျေးရွာ၊ ကြခတ်ကွင်းကျေးရွာ၊ ရေလယ်သောင်ကျေးရွာ၊ ကိုင်းတောကွင်းကျေးရွာ စတဲ့ ရွာတွေမှာ ပျက်စီးမှုတွေ ရှိခဲ့ပါတယ်။

သတင်းဓာတ်ပုံ - PyiPhyo CJ

[gallery ids="94337,94338,94339"]