ကချင်ပြည်နယ်၊ ဖားကန့်မြို့နယ်၊ ဆိုင်းတောင်ရွာထဲကို ဒီ​နေ့ ဇွန် ၁၉ ရက် ​မွန်းတည့် ၁၂ နာရီက လက်နက်ကြီးတလုံးကျပြီး အရပ်သား ၂ ယောက် ထိမှန်ဒဏ်ရာရတယ်လို့ ​ဒေသံ​တွေဆီက သိရပါတယ်။

ဖားကန့်မြို့၊ ဆိုင်း​တောင်ရွာထဲက ​ရပ်ကွက် ၃ ကို ဗျူဟာကုန်းက​နေ ပစ်ခတ်တဲ့ လက်နက်ကြီးကျပြီး အ​​ရောင်းဝန်ထမ်း ၂ ယောက် ဒဏ်ရာရတယ်လို့ သိရပါတယ်။

​ဒေသခံတ​ယောက်က "​ဒေါ်​အောင်ဆန်းစုကြည် ​မွေး​နေ့လုပ်​နေတဲ့အချိန် ပစ်တာ။ ရပ်ကွက် ၃ ထဲကို ကျတယ်။ အရပ်သား ၂ ​ယောက်ထိတယ်။ တိုက်ပွဲလည်းမဖြစ်ဘူး” လို့ DVB ကို ​ပြောပါတယ်။

ဒဏ်ရာရသူ​တွေဟာ အမျိုးသား ၂ ယောက်ဖြစ်ပြီး ခါးထိဒဏ်ရာရသွားလို့ ဆေးခန်းကို ပို့​ဆောင်ထားတယ်လို့လည်း သိရပါတယ်။

ဒီ​နေ့ကျ​ရောက်တဲ့ ​ဒေါ်​အောင်ဆန်းစုကြည် ​မွေး​နေ့ကို ဒီနေ့မနက် ဖားကန့်မြို့မှာ ပြုလုပ်ခဲ့ကြပြီး အမြန်ဆုံး ပြန်လွှတ်ပေးဖို့ တောင်းဆိုခဲ့ကြပါတယ်။