စီယူတာနယ်စပ်အရေးပေါ်အခြေအနေကို ဖြေရှင်းဖို့ ဥရောပသမဂ္ဂ (EU) ရဲ့ ပြည်ထဲရေးဝန်ကြီးများ အစည်းအဝေးဟာ အပြုသဘောဆောင်ပြီး အဖွဲ့ဝင်နိုင်ငံတွေက စပိန်အစိုးရရဲ့ ချက်ချင်းနဲ့ ထိရောက် တဲ့ တုံ့ပြန်မှုကို အသိအမှတ် ပြုခဲ့တယ်လို့ စပိန်ပြည်ထဲရေးဝန်ကြီး ဖာနန်ဒိုဂရန်ဒီ မာလက်စ်ကာက သတင်းထောက်တွေကို သြဂုတ်လ ၄ ရက်မှာ ပြောပါတယ်။ 

စီယူတာ နယ်မြေထဲဝင်လာတဲ့ ရွှေ့ပြောင်းနေထိုင်သူ ၇၂,၀၀၀ ထဲက ၇၀,၀၀၀ လောက် ထွက်ခွာ သွားပြီလို့ ဂရန်ဒီမာလက်စ်ကာက ပြောခဲ့ပြီး မြောက်အာဖရိကနယ်မြေက သဘောတူညီချက်ထဲမှာ မပါလို့ ရွှမ်ဂံနယ်မြေကို ဘယ်တုန်းကမှ မထိခိုက်ခဲ့ဘူးလို့လည်း ထပ်ပြောပါတယ်။ 

စီယူတာနယ်မြေထဲကို အစုလိုက် အပြုံလိုက် ဖြတ်ကျော်ဝင်ရောက်တော့မဲ့ လက္ခဏာတွေ မတွေ့ခဲ့ဘူးလို့ စပိန်ထောက်လှမ်းရေးက ပြောတယ်လို့လည်း ဂရန်ဒီ မာလက်စ်ကာက ပြောပါတယ်။ 

ရေကူးဝင်ရောက်လာတဲ့ ရွှေ့ပြောင်းနေထိုင်သူတွေကို အတားအဆီးမရှိရင် ချက်ချင်းနှင်ထုတ်လို့ မရဘူးလို့ စပိန်တရားရုံးချုပ်က ဇူလိုင်လမှာ အမိန့်ထုတ်ပြန်ပြီးတဲ့နောက် စီယူတာ ကမ်းရိုးတန်းမှာ ရေကြောင်း အတားအဆီးတခု တပ်ဆင်ဖို့ စပိန်အစိုးရက အမြန်ဆုံးလုပ်ဆောင်ခဲ့တယ်လို့လည်း ဝန်ကြီးက  ပြောပါတယ်။ 

Source:Reuters