မန်စီးတီးကွင်းလယ်လူ ရိန်းဒါးစ် ဆော်ဒီကလပ်သို့ ပြောင်းရွှေ့မည်
DVB
·
August 14, 2026
မန်စီးတီးအသင်းရဲ့ နယ်သာလန် ကွင်းလယ်လူ တီဂျာနီ ရိန်းဒါးစ်ဟာ ပြောင်းရွှေ့ကြေး ပေါင် ၅၂ သန်းနဲ့ ဆော်ဒီကလပ် အယ်လ်-ကတ်ဒ်ဆီယာကို ပြောင်းရွှေ့ဖို့ သဘောတူညီမှု ရရှိသွားပြီလို့ BBC အားကစားသတင်းက ဖော်ပြပါတယ်။
အသက် ၂၈ နှစ်အရွယ် ရိန်းဒါးစ်ဟာ ပြီးခဲ့တဲ့ရာသီကမှ အေစီမီလန်ကနေ မန်စီးတီးကို ပေါင် ၄၆ ဒသမ ၅ သန်းနဲ့ ရောက်လာတာဖြစ်ပြီး ၄၇ ပွဲကစား ၇ ဂိုး သွင်းယူထားပါတယ်။
လက်ရှိမှာတော့ သူဟာ နည်းပြ ဘရန်ဒန် ရော်ဂျာစ် ကိုင်တွယ်နေတဲ့ ဆော်ဒီကလပ်ကို ပြောင်းရွှေ့ဖို့ အသင်းရဲ့ ပုံမှန်လေ့ကျင့်ခန်းတွေကနေ ခွဲထွက်နေပြီလို့ ဆိုပါတယ်။
မန်စီးတီးဟာ ရိုဒရီရဲ့ အနာဂတ် မသေချာမှုနဲ့ ချဲလ်ဆီးက အန်ဇိုကိုပါ စိတ်ဝင်စားနေတာကြောင့် ကွင်းလယ်မှာ အကြီးအကျယ် အပြောင်းအလဲ လုပ်နိုင်တယ်လို့ သတင်းတွေက သုံးသပ်ထားပါတယ်။
Live
