အိန္ဒိယနိုင်ငံအရှေ့မြောက်ပိုင်း၊ မဏိပူရပြည်နယ်မှာ ဧပြီ ၁၄ ရက်က ဆန္ဒပြသူတွေက ကျောက်ခဲတွေနဲ့ ပစ်ပေါက်ခဲ့ကာ ရဲတွေက မျက်ရည်ယိုဗုံးနဲ့ ပစ်ခတ်လူစုခွဲခဲ့တာမှာ ထိပ်တိုက်တွေ့လို့ အကြမ်းဖက်မှုတွေ ဖြစ်ခဲ့ပြီး လူ ၁၈ ယောက်ထက်မနည်း ဒဏ်ရာရခဲ့ပါတယ်။

ဧပြီ ၇ ရက်က မီတီလူမျိုး အများစုနေထိုင်တဲ့ ဘိရှ်နုပူရ်ခရိုင်က အိမ်တလုံးမှာ ဗုံးပေါက်ကွဲမှုကြောင့် ကလေး ၂ ယောက် သေဆုံးခဲ့ပြီးနောက် ဟိန္ဒူဘာသာဝင် မီတီတိုင်းရင်းသားလူမျိုးတွေ အများစုနေထိုင်တဲ့ နေရာမှာ ဆန္ဒပြသူတွေက တရားမျှတမှုကို တောင်းဆိုနေကြတာပါ။

အဲဒီနောက် ဆန္ဒပြပွဲတွေ ဖြစ်ခဲ့တယ်လို့ အရာရှိတွေနဲ့ ဝန်ကြီးချုပ်ရုံးက ပြောပါတယ်။ မီတီတွေက ခရစ်ယာန်ဘာသာဝင် ကူကီးလူမျိုးအများစုနေထိုင်တဲ့ အသိုင်းအဝန်းက စစ်သွေးကြွတွေကို အပြစ်တင်ကြပါတယ်။

ကူကီးအရပ်ဘက်အဖွဲ့အစည်းတွေက ကိုယ်စားလှယ်တွေက ဘယ်လိုပါဝင်ပတ်သက်မှုမှ မရှိဘူးလို့ ငြင်းဆိုထားပါတယ်။

မဏိပူရပြည်နယ်ရဲ့ အဓိက ဟိန္ဒူ မီတီလူမျိုးစုနဲ့ အဓိက ခရစ်ယာန် ကူကီးလူမျိုးစုတွေအကြား စီးပွားရေး အကျိုးခံစားခွင့်တွေနဲ့ အလုပ်အကိုင်ခွဲတမ်းတွေနဲ့ ပတ်သက်ပြီး ၂၀၂၃ ခုနှစ် မေလမှာ ပဋိပက္ခတွေ စဖြစ်ခဲ့ပါတယ်။

ပဋိပက္ခအတွင်း စုစုပေါင်း လူ ၂၆၀ လောက် သေဆုံးပြီး လူ ၆၀,၀၀၀ ကျော် အိုးမဲ့အိမ်မဲ့ ဖြစ်ခဲ့ရပါတယ်။ 

Source: Reuters