တရုတ်ကြက်ခြေနီအသင်းကနေ အီရန်လခြမ်းနီအသင်းဆီ ပေးတဲ့ အရေးပေါ် လူသားချင်းစာနာ ထောက်ထားမှု အကူအညီ အမေရိကန်ဒေါ်လာ ၂ သိန်းကို လွှဲပြောင်းပေးအပ်ပွဲ အခမ်းအနားတခု အီရန်နိုင်ငံရှိ တရုတ်သံရုံးမှာ မတ် ၁၅ ရက်က ကျင်းပပါတယ်။

ဒီအကူအညီတွေဟာ အီရန်တောင်ပိုင်းပြည်နယ် မီနက်မြို့က မူလတန်းကျောင်းမှာ အသက်ဆုံးရှုံးခဲ့ရတဲ့ ဆရာ၊ ဆရာမတွေနဲ့ ကျောင်းသားတွေရဲ့ မိသားစုတွေကို ထောက်ပံ့ဖို့ ရည်ရွယ်ထားပါတယ်။

အီရန်နိုင်ငံဆိုင်ရာ တရုတ်သံအမတ်ကြီး စွန်းဖေးဝူနဲ့ အီရန်လခြမ်းနီအသင်းရဲ့ နိုင်ငံတကာရေးရာနဲ့ လူသားချင်းစာနာထောက်ထားမှု ဥပဒေဆိုင်ရာ ဒုတိယဥက္ကဋ္ဌ ရေဇီယာ အာလစ်ရှ်ဗန်ဒီတို့ အခမ်းအနားကို တက်ခဲ့ကြပါတယ်။

တရုတ်နိုင်ငံဟာ အရပ်သားတွေနဲ့ စစ်ဘက်မဟုတ်တဲ့ ပစ်မှတ်တွေအပေါ် ခွဲခြားမှုမရှိတဲ့ တိုက်ခိုက်မှုအားလုံးကို ရှုတ်ချတယ်လို့ တရုတ်သံအမတ်ကြီးက ပြောပါတယ်။

ကျောင်းတွေအပေါ် တိုက်ခိုက်တာတွေနဲ့ ကလေးတွေကို ထိခိုက်နစ်နာစေခြင်းဟာ နိုင်ငံတကာ လူသားချင်းစာနာထောက်ထားမှု ဥပဒေကို အပြင်းအထန် ချိုးဖောက်ပြီး အခြေခံ ကိုယ်ကျင့်တရားစံနှုန်းတွေကို ချိုးဖောက်ရာရောက်တယ်လို့ စွန်းက ပြောပါတယ်။

တရုတ်နိုင်ငံဟာ အီရန်ပြည်သူတွေရဲ့ အခက်အခဲတွေကို ကျော်လွှားရာမှာ စဉ်ဆက်မပြတ် ပံ့ပိုးပေးဖို့ ကတိပြုထားပါတယ်။

အရှေ့အလယ်ပိုင်းနိုင်ငံတွေအတွက် စစ်မှန်တဲ့မိတ်ဆွေနဲ့ မဟာဗျူဟာမိတ်ဖက်ယောက် အနေနဲ့ တရုတ်နိုင်ငံဟာ ကမ္ဘာလုံးဆိုင်ရာ လုံခြုံရေးအစီအစဉ်မှာ ပူးပေါင်းဆောင်ရွက်ဖို့၊ အရှေ့အလယ်ပိုင်းမှာ ငြိမ်ဝပ်ပိပြားမှုကို ပြန်ထူထောင်ဖို့နဲ့ ကမ္ဘာကြီးမှာ ငြိမ်းချမ်းရေးပြန်ရရေး စိတ်အားထက်သန်နေတယ်လို့ စွန်းက ပြောပါတယ်။

စစ်ပွဲကို မြန်မြန်ဆန်ဆန် အဆုံးသတ်နိုင်ဖို့၊ ငြိမ်းချမ်းရေးကို စောစောစီးစီး ပြန်ရဖို့နဲ့ အီရန်ပြည်သူတွေဟာ တည်ငြိမ်တဲ့ဘဝကို ပြန်လည်ရရှိပြီး သူတို့ရဲ့ လှပတဲ့ မွေးရပ်မြေကို ပြန်တည်ဆောက်နိုင်ဖို့ ကျနော်တို့ စိတ်ရင်းမှန်နဲ့ မျှော်လင့်ပါတယ်လို့လည်း သူက ပြောပါတယ်။

အာ့လီရှ်ဗန်ဒီက ဒီခက်ခဲတဲ့အချိန်မှာ အီရန်အပေါ် တရုတ်နိုင်ငံရဲ့ အကူအညီအတွက် ကျေးဇူးတင်တယ်လို့ ပြောခဲ့ပြီး ဒါဟာ တရုတ်နိုင်ငံရဲ့ တာဝန်သိတဲ့ အဓိကနိုင်ငံတခုအဖြစ် ပုံရိပ်ကို ပြသနေပြီး ၂ နိုင်ငံအကြား နက်ရှိုင်းတဲ့ ချစ်ကြည်ရင်းနှီးမှုကို မီးမောင်းထိုးပြနေတယ်လို့ ထောက်ပြနေပါတယ်။

Source: Reuters