မတ် ၂ ရက် ညနေ ၆ နာရီမှာ သမ္မတဦးသိန်းစိန်နဲ့ ဒေါ်အောင်ဆန်းစုကြည် တို့ နေပြည်တော်မှာ တွေ့ဆုံပါတယ်။

သမ္မတနဲ့ ဒေါ်အောင်ဆန်းစုကြည် ၂ ဦးတည်း တွေ့ဆုံတာ ဖြစ်ပြီး ဖွဲ့စည်းပုံ အခြေခံ ဥပဒေ ပြင်ဆင်ရေးနဲ့ လွတ်လပ်ပြီး တရားမျှတတဲ့ ရွေးကောက်ပွဲ ကျင်းပနိုင်ရေးတို့ကို ဆွေးနွေးခဲ့တယ်လို့ ပြန်ကြားရေးဝန်ကြီး ဦးရဲထွဋ်က သတင်းထုတ်ပြန်ပါတယ်။

လက်ရှိ တိုင်းပြည်မှာ တိုင်းရင်းသား လက်နက်ကိုင်တွေနဲ့ တိုက်ပွဲတွေ ဖြစ်ပွားနေချိန်၊ ကျောင်းသားတွေရဲ့ ပညာရေး ဥပဒေ ပြင်ဆင်ရေး သပိတ်မှောက်မှုတွေစတဲ့ နိုင်ငံရေးအရ ထူးခြားတဲ့ ဖြစ်စဉ်တွေ ရှိနေချိန်မှာ တွေ့ဆုံကြတာပါ။

ဒေါ်အောင်ဆန်းစုကြည်နဲ့ သမ္မတတို့  ၆ ကြိမ်မြောက် တွေ့ဆုံတာ ဖြစ်ပါတယ်။