အာဆင်နယ်အသင်းဟာ လန်ဒန်ဒါဘီပွဲစဉ်မှာ ချဲလ်ဆီးအသင်းကို ၂ ဂိုး - ၁ ဂိုးနဲ့ အနိုင်ရရှိခဲ့ပါတယ်။

ဒီနိုင်ပွဲကြောင့် အာဆင်နယ်ဟာ ရာသီစ ပထမ ၃ ပွဲစလုံး အနိုင်ရရှိခဲ့ပြီး အမှတ်ပေးဇယားမှာ ရာနှုန်းပြည့် အမှတ်ရရှိထားပါတယ်။

ပွဲချိန် ၂ မိနစ်မှာတင် ရော်ဂျာစ်က သွင်းယူခဲ့တာကြောင့် ချဲလ်ဆီးအသင်းက စတင် ဦးဆောင်နိုင်ခဲ့တာပါ။

ဒါပေမဲ့ ပွဲချိန် ၃၅ မိနစ်မှာ ဟာဗက်ဇ်က အာဆင်နယ်အတွက် ချေပဂိုး သွင်းယူခဲ့သလို ဒုတိယပိုင်း ပွဲချိန် မိနစ် ၅၀ မှာ မာတင် အိုဒီဂတ်က အနိုင်ဂိုး သွင်းယူပေးခဲ့ပါတယ်။ အိုဒီဂတ်ဟာ ဒီပွဲမှာလည်း ခြေစွမ်းကောင်းကို ဆက်ထိန်းနိုင်ခဲ့ပါတယ်။

ပွဲအပြီးမှာ ဟာဗက်ဇ်က အိုဒီဂတ်ရဲ့ခြေစွမ်းဟာ ထိပ်တန်းအဆင့်ဆီ ပြန်လည်ရောက်ရှိလာပြီ ဖြစ်ကြောင်း ချီးကျူးခဲ့ပါတယ်။