ဆိုမာလီယာနိုင်ငံရဲ့ မြို့တော် မိုဂါဒစ်ရှူးမှာ အာဏာပိုင်တွေက ဒေသခံတွေ တရားဝင် ပိုင်ဆိုင်တယ်ဆိုတဲ့ မြေယာတွေကို ရောင်းချပြီးတဲ့နောက် နှင်ထုတ်ခဲ့တဲ့အပေါ်  မြို့ခံတွေက မေ ၁၀ ရက်မှာ ကန့်ကွက် ဆန္ဒပြခဲ့ကြပါတယ်။

သမ္မတရဲ့ လုပ်ပိုင်ခွင့်နဲ့ ပတ်သက်ပြီး အငြင်းပွားမှု ပိုနက်ရှိုင်းလာတာနဲ့အမျှ နိုင်ငံရေးတင်းမာမှုတွေကို ပိုဆိုးရွားစေခဲ့ပါတယ်။

ဆန္ဒပြသူတွေက ကြွေးကြော်သံတွေကို ကြွေးကြော်ရင်း အိမ်ပိုင်ဆိုင်မှု အထောက်အထားတွေကို ပြထားတဲ့ စာရွက်စာတမ်းတွေကို ကိုင်ဆောင်ပြီး အစိုးရက မိသားစုတွေကို သူတို့ရဲ့အိမ်တွေကနေ အတင်းအကျပ် နှင်ထုတ်ခဲ့တယ်လို့ စွပ်စွဲခဲ့ကြပါတယ်။

အတိုက်အခံခေါင်းဆောင်တွေက သမ္မတရဲ့ လုပ်ပိုင်ခွင့်ဟာ ၂၀၂၆ ခုနှစ် မေ ၁၅ ရက်မှာ သက်တမ်းကုန်ဆုံးမယ်လို့ ငြင်းခုံနေချိန်မှာ ခုဆန္ဒပြပွဲ ပေါ်ပေါက်လာတာပါ။

သမ္မတနဲ့ သူ့မဟာမိတ်တွေက လက်ရှိအစီအစဉ်တွေအရ သက်တမ်းတိုးထားတယ်လို့ ပြန်ပြောခဲ့ကြပါတယ်။

အစိုးရ ပြောရေးဆိုခွင့်ရှိသူတယောက်က မှတ်ချက်ပေးဖို့ တောင်းဆိုချက်ကို ချက်ချင်းမတုံ့ပြန်ပါဘူး။

မြေယာအငြင်းပွားမှုတွေ၊ အိုးမဲ့အိမ်မဲ့ဖြစ်မှုတွေနဲ့ နိုင်ငံရေးမရေရာမှုတွေဟာ မကြာသေးမီ လတွေအတွင်း ပြန်ဖြစ်နေတဲ့ တင်းမာမှုတွေကို ပိုဆိုးစေပြီး မိုဂါဒစ်ရှူးမြို့တော်က ဆန္ဒပြပွဲတွေက လူထုရဲ့ စိတ်ပျက်အားငယ်မှုကို ပေါ်လွင်စေတယ်လို့ မီဒီယာတွေက သုံးသပ်နေကြပါတယ်။

Source: Reuters