ရုရှားက အီရန်နိုင်ငံ ဘူရှာနျူကလီးယားစက်ရုံက ဝန်ထမ်း ၁၉၈ ယောက်ကို ဧပြီ ၄ ရက်မှာ ရွှေ့ပြောင်းပေးခဲ့တယ်လို့ ရိုဆာတွန်မ်ရဲ့ အကြီးအကဲ အလက်ဇီလီခါချက်ဗ်က ပြောပါတယ်။

ဖေဖော်ဝါရီလကုန်မှာ အီရန်စစ်ပွဲ စဖြစ်ချိန်ကစပြီး ရိုဆာတွန်မ်ဟာ စက်ရုံဝန်ထမ်းတွေကို ရွှေ့နေခဲ့တာပါ။

စက်ရုံရဲ့ ရုပ်ပိုင်းဆိုင်ရာ ကာကွယ်ရေး ဝန်ထမ်းတယောက် ဒုံးကျည်အပိုင်းအစတခုကြောင့် သေဆုံးခဲ့ပြီး အဆောက်အအုံတခုလည်း တုန်ခါမှုလှိုင်းတွေနဲ့ အပိုင်းအစတွေကြောင့် ထိခိုက်ခဲ့ရတယ်လို့ နိုင်ငံတကာ အဏုမြူစွမ်းအင်အေဂျင်စီ (IAEA) က ပြောပါတယ်။

သေဆုံးသွားတဲ့ ဝန်ထမ်းဟာ အီရန် နိုင်ငံသား တယောက်ဖြစ်တယ်လို့လည်း လီခါချက်ဗ်က ပြောပါတယ်။

ရိုဆာတွန်မ်ဟာ စက်ရုံနဲ့ပတ်သက်တဲ့ အခြေအနေနဲ့ ပတ်သက်ပြီး ရုရှားသမ္မတ ဗလာဒီမီယာ ပူတင်ကို အကြောင်းကြားခဲ့တယ်လို့လည်း လီခါချက်ဗ်က ပြောပါတယ်။