အိန္ဒိယအရှေ့ပိုင်း အနောက်ဘင်္ဂလားပြည်နယ်မှာ ဒီသီတင်းပတ်အတွင်း ရွေးကောက်ပွဲအပြီး အကြမ်းဖက်မှုတွေ ဖြစ်ပွားခဲ့လို့ အနည်းဆုံး လူ ၃ ယောက် သေဆုံးခဲ့ပြီးနောက် ရာနဲ့ချီပြီး အဖမ်းခံခဲ့ရပါတယ်။

သေဆုံးသူတွေထဲမှာ BJP ပါတီခေါင်းဆောင် ဆူဗန်ဒူ အာဒီကာရီရဲ့ လက်ထောက် ချန်ဒရာနတ် ရတ်သ်လည်း ပါဝင်ပြီး သူဟာ မေ ၆ ရက် ညပိုင်းမှာ သေနတ်နဲ့ ပစ်သတ်ခံခဲ့ရတာလို့ ဆိုပါတယ်။

အကြမ်းဖက်မှုတွေနဲ့ ပတ်သက်ပြီး ရာဇဝတ်မှုပေါင်း ၂၀၀ ကျော် အမှုဖွင့်ထားပြီး လူပေါင်း ၄၃၃ ဦးကို ဖမ်းဆီးထားတယ်လို့ ပြည်နယ်ရဲချုပ် ဆစ်ဒ်နတ်ဂုပတ္တက သတင်းထောက်တွေကို ပြောပြပါတယ်။

ဒါ့အပြင် ကြိုတင်ကာကွယ်ရေးအနေနဲ့ လူ ၁,၁၀၀ ကျော်ကိုလည်း ဖမ်းဆီးထားပါတယ်။

အနောက်ဘန်ဂေါပြည်နယ်ဟာ ရွေးကောက်ပွဲပြီးတိုင်း အကြမ်းဖက်မှုတွေ ဖြစ်လေ့ရှိတဲ့ ရာဇဝင်ရှိပြီး ပြီးခဲ့တဲ့ ၂၀၂၁ ရွေးကောက်ပွဲတုန်းကလည်း နိုင်ငံရေးပါတီတွေကြား ထိပ်တိုက်တွေ့လို့ လူ တဒါဇင်လောက် သေဆုံးခဲ့ဖူးပါတယ်။ 

Source: Reuters