အခြေခံလစာတိုးပေးရေးဆန္ဒပြတောင်းဆိုခဲ့ကြတဲ့ လှိုင်သာယာ Yess သကြားလုံး စက်ရုံအလုပ်သမားတွေကို အလုပ်ရှင်က အဆောင်ဝင်ခွင့်ပိတ်ထားတဲ့အတွက် အလုပ်သမားတွေ နေရေး အခက်အခဲတွေ့နေပါတယ်။
ဆန္ဒပြအလုပ်သမားတွေက အခြေခံလစာကို အနည်းဆုံး ကျပ်ငွေ ၃ သောင်းတိုးမြင့်ပေးဖို့နဲ့ တနင်္ဂနွေရုံးပိတ်ရက်အတွက် လုပ်အားခပေးရေးတို့ကို တောင်းဆိုထားကြတာပါ။
ဆန္ဒပြတဲ့ ဇန်န၀ါရီ ၇ ရက်နေ့ညနေပိုင်း အလုပ်ရှင်ကိုယ်စား လှယ်တွေနဲ့ဆွေးနွေးရာမှာ အခြေခံလစာကို ၇၅၀၀ အထိ တိုးပေးမယ်လို့ ပြောဆိုကတိပေးခဲ့ပြီး ညနေပိုင်းမှာ အလုပ်သမားတွေကို အဆောင်ဝင်ခွင့် မပေးတော့လာလို့ ဆန္ဒပြ အလုပ်သမား မသိင်္ဂီမျိုးက ပြောပါတယ်။
“ပထမတရက်တုန်းကတော့ အဆောင်မှာပေးအိပ်တယ်။ ဒုတိယရက်မှာ ညီမတို့ ရုံးမှာသွားပြီး ညှိတော့ နည်းနည်းတော့ အဆင်ပြေတယ်။ ညီမတို့ ၃ သောင်းတောင်းတာကို ၇၅၀၀နဲ့ ညီမတို့ဘက်ကလည်း ကျေအေးပေးတာပေါ့နော်။ ဒါပေမယ့် မိုးချုပ်ခါနီးကျမှ ညီမတို့ကို အထဲ ပေးမ၀င်တော့တာ။ ”
အဆောင်ဝင်ခွင့်မရလို့ နီးစပ်ရာဘုန်းကြီးကျောင်းမှာပဲ အလုပ်သမားတွေည အိပ်ခဲ့ကြရတယ်လို့ အလုပ်သမားတွေက ပြောပါတယ်။
Yess သကြားလုံးစက်ရုံမှာ အလုပ်လုပ်တဲ့သူတွေအများစုဟာ ဧရာဝတီတိုင်းက လာကြသူတွေဖြစ်ပြီး စက်ရုံက အဆောင်မှာပဲ နေထိုင်အလုပ်လုပ်ကြသူတွေဖြစ်ပါတယ်။
စက်ရုံအလုပ်သမား ၂၀၀ ကျော်ရှိတဲ့အနက် အလုပ်သမား ၁၅၀ လောက်က အခြေခံ လုပ်ခလစာတိုးမြှင့်ပေးရေးအပါအ၀င်တောင်းဆိုချက် ၃ ရက်တောင်းဆိုပြီး စက်ရုံရှေ့မှာပဲ ဆန္ဒထုတ်ဖော်ခဲ့ကြတာပါ။
