ကမ္ဘာ့အသက်အကြီးဆုံး ဂေါ်ရီလာမျောက်ဝံကြီး ဖာတူရဲ့ အသက် ၆၉ နှစ် ပြည့်မွေးနေ့ပွဲကို ဧပြီ ၁၃ ရက်က ဂျာမနီနိုင်ငံ၊ ဘာလင်တိရစ္ဆာန်ရုံမှာ ကျင်းပခဲ့ပါတယ်။

လူတွေလိုပဲ ဖာတူဟာလည်း အသက်အရွယ်ကြီးရင့်လာတဲ့ ကျန်းမာရေးပြဿနာတွေကို ရင်ဆိုင်နေရပါတယ်။

သူ့မှာ သွားမရှိတော့တဲ့အတွက် အစားအစာတွေကို ဝါးရလွယ်ကူအောင် အထူးစီစဉ်ပေးထားရပါတယ်။ ပြုတ်ထားတဲ့ ဟင်းသီးဟင်းရွက်တွေက သူ့ရဲ့ အဓိက အစားအစာဖြစ်ပြီး ကျန်တာတွေကတော့ အလှဆင်ထားတာပါ။ 

အရိုးအဆစ်ရောင်ရောဂါကြောင့် သွားလာလှုပ်ရှားဖို့ ခက်ခဲတဲ့ ဖာတူကို အေးအေးဆေးဆေး နေနိုင်အောင် သီးသန့်ခြံနဲ့ ထားရှိပါတယ်။  

တိရစ္ဆာန်ရုံစောင့်ရှောက်သူ လန်းနာ့ဒ်ဂေါ်ဒီးယန်းကတော့ ဖာတူဟာ အသက်အရွယ်နဲ့မလိုက်အောင် ကျန်းမာရေးကောင်းနေဆဲဖြစ်တယ်လို့ ပြောပါတယ်။

ဖာတူဟာ ကမ္ဘာ့အသက်အကြီးဆုံး မြေပြန့်ဒေသ ဂေါ်ရီလာ အဖြစ် ဂင်းနစ်ကမ္ဘာ့စံချိန် တင်ထားပါတယ်။ တောရိုင်းထဲက ဂေါ်ရီလာတွေဟာ အသက် ၃၀ ကနေ ၃၅ နှစ်အထိပဲ သက်တမ်းရှိလေ့ရှိပါတယ်။

Source: Reuters