ဟန်ဂေရီအစိုးရက စက်တင်ဘာ ၈ ရက်မှာ ရုရှားသံတမန် ၁၀ ယောက်ကို နှင်ထုတ်ခဲ့ပါတယ်။

သံတမန်အဆင့်အတန်းနဲ့ မကိုက်ညီတဲ့ နည်းလမ်းတွေကို ဆောင်ရွက်ခဲ့တယ်လို့ ပြောရင်း ဝန်ကြီးချုပ်ဟောင်း ဗစ်တာ အော်ဘန်ရဲ့ ရုရှားကို လိုလားတဲ့ခေတ် ပြီးဆုံးသွားပြီလို့လည်း ထင်ထင်ရှားရှား သတိပေးခဲ့ပါတယ်။

ရုရှားနိုင်ငံခြားရေးဝန်ကြီးဌာနက လက်စားချေမယ်လို့ ပြောခဲ့ပြီး ရုရှားရဲ့ တုံ့ပြန်မှုက ဟန်ဂေရီအတွက် နာကျင်စေလိမ့်မယ်လို့ ပြောခဲ့တဲ့အကြောင်း Interfax သတင်းဌာနက ဖော်ပြခဲ့ပါတယ်။

နှင်ထုတ်ခံရသူတွေဟာ ဗီယင်နာကွန်ဗင်းရှင်းအရ သံတမန်တွေအတွက် လက်မခံနိုင်တဲ့ လှုပ်ရှားမှုတွေမှာ ပါဝင်ပတ်သက်နေသူတွေ ဖြစ်တယ်လို့ ဟန်ဂေရီ နိုင်ငံခြားရေးဝန်ကြီး အနီတာ အော်ဘန်က အီးမေးလ်နဲ့ ပေးပို့တဲ့ ကြေညာချက်ထဲမှာ ပြောခဲ့ပါတယ်။

၁၆ နှစ်ကြာ ရာထူးတာဝန်ယူပြီးတဲ့နောက် ဧပြီလက ဟန်ဂေရီမှာ အာဏာဆုံးရှုံးခဲ့ရတဲ့ အော်ဘန်ဟာ ၂၀၂၂ ခုနှစ်မှာ ရုရှားက ယူကရိန်းကို ကျူးကျော်ပြီးတဲ့နောက်မှာတောင် ရုရှားသမ္မတ ဗလာဒီမာပူတင်နဲ့ ရင်းနှီးတဲ့ဆက်ဆံရေးကို ထိန်းသိမ်းခဲ့ပါတယ်။

သူ့လက်ထက်မှာ ဟန်ဂေရီဟာ ရုရှားရဲ့ ရေနံနဲ့ သဘာဝဓာတ်ငွေ့ကို ဆက်ဝယ်ခဲ့ပြီး ဥရောပသမဂ္ဂရဲ့ ရုရှားအပေါ် ပိတ်ဆို့မှုတွေကို ဆိုင်းငံ့ထားခဲ့ပါတယ်။

ဒါ့အပြင် ယူကရိန်းဆီချေးငွေ ယူရို ၉၀ ဘီလီယံ (ဒေါ်လာ ၉၇ ဘီလီယံ) ကိုလည်း ဟန်ဂေရီက ပိတ်ဆို့ခဲ့ပါတယ်။

ရုရှားက ယူကရိန်းကို ကျူးကျော်ပြီးတဲ့နောက် ဥရောပနိုင်ငံ အမြောက်အမြားက ရုရှားသံတမန် အတော်များများကို နှင်ထုတ်ခဲ့ပါတယ်။

Source: Reuters