၂၀၀၈ ဖွဲ့စည်းပုံ အခြေခံဥပဒေပြင်ဆင်ရေး ၆ ပွင့်ဆုိုင်ဆွေးနွေးပွဲတွင် ပါဝင်မည့် တုိုင်းရင်းသားကုိုယ်စားပြု လွှတ်တော်ကိုယ်စားလှယ်အဖြစ် အမျိုးသားလွှတ်တော်ကိုယ်စားလှယ် ဒေါက်တာအေးမောင်ကို ရွေးချယ်လိုက်ပါတယ်။

[caption id="attachment_34174" align="alignright" width="310"] ဒေါက်တာ အေးမောင်[/caption]

နေပြည်တော်မှာရှိတဲ့ စည်ပင်ဧည့်ရိပ်မှာ တိုင်းရင်းသားလွှတ်တော်ကိုယ်စားတွေ လျှို့ဝှက်မဲစနစ်နဲ့ ဒီနေ့မနက်ပိုင်းက ရွေးချယ်တင်မြှောက်လိုက်တာ ဖြစ်ပါတယ်။

နိုဝင်ဘာ ၂၅ ရက်နေ့က ကျင်းပတဲ့ ပြည်ထောင်စုလွှတ်တော် ဆွေးနွေးပွဲမှာ ဖွဲ့စည်းပုံပြင်ဆင်ရေးအတွက် ၆ ပွင့်ဆိုင်ဆွေးနွေးပွဲ ကျင်းပဖို့အတွက် အရေးအကြီးအဆိုတရပ်ကို တင်သွင်းရာမှာ အတည်ပြုခဲ့ပါတယ်။

သမ္မတ ဦးသိန်းစိန်၊ ပြည်သူ့လွှတ်တော် ဥက္ကဋ္ဌ သူရဦးရွှေမန်း၊ အမျိုးသားလွှတ်တော် ဥက္ကဋ္ဌ ဦးခင်အောင်မြင့်၊ ဒေါ်အောင်ဆန်းစုကြည်နှင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ကို နိုဝင်ဘာလ ၂၅ ရက်နေ့က ပြည်ထောင်စုလွှတ်တော်မှာစာရင်း ထုတ်ပြန် ခဲ့တာကြောင့် တိုင်းရင်းသားကိုယ်စားပြု ကိုယ်စားလှယ်တဦးကို ရွေးချယ်ခဲ့ကြတာ ဖြစ်ပါတယ်။

ဒေါက်တာအေးမောင် ဟာ သမ္မတဦးသိန်းစိန် လက်ထက်မှာ ဒုတိယ သမ္မတ ရာထူးအတွက် ရာထားခံခဲ့ရဖူးတဲ့ ကိုယ်စားလှယ်ဖြစ်ပြီး လက်ရှိမှာ ရခိုင်အမျိုးသားပါတီရဲ့ ဥက္ကဋ္ဌ ဖြစ်ပါတယ်။