ပြီးခဲ့တဲ့ရာသီက ပရီးမီးယားလိဂ်ရဲ့စည်းမျဉ်း ၉ ကြိမ်အထိ ချိုးဖောက်ခဲ့တဲ့မန်စီးတီးအသင်းကို အက်ဖ်အေက ပေါင် ၁ သန်း နီးပါး ဒဏ်ရိုက်ခဲ့ပါတယ်။
မန်စီးတီးအသင်းဟာ ပွဲစတင်ချိန် ဒါမှမဟုတ် ဒုတိယပိုင်း ပွဲပြန်လည်စတင်ရမယ့် အချိန်တွေကို တိတိကျကျ လိုက်နာခြင်းမရှိခဲ့တာဖြစ်ပြီး စည်းမျည်းဖောက်ဖျက်မှု စုစုပေါင်း ၉ ကြိမ် အထိရှိခဲ့ တာပါ။
စည်းမျဉ်း L 33 အရ ပရီးမီးယားလိဂ်အသင်းတိုင်းဟာ ပွဲစတင်ချိန်နဲ့ ဒုတိယပိုင်း ပြန်လည် စတင်ချိန်တွေကို သတ်မှတ်ထားတဲ့အချိန်ကာလအတိုင်း တိတိကျကျလိုက်နာဖိုလိုအပ်တာပါ။
မန်စီးတီးအသင်းဟာ ပထမဆုံးအကြိမ် ချိုးဖောက်မူအတွက် ပေါင် ၄၀,၀၀၀ ဒဏ်ရိုက်ခံခဲ့ရပြီး ၉ ကြိမ် ချိုးဖောက်ခဲ့မှုအတွက် ပေါင် ၁၉၀,၀၀၀ အထိ ဒဏ်ရိုက်ခံရပါတယ်။
ဒါ့အပြင် တခြားအသေးအဖွဲ့ အမှားတွေနဲ့ စည်းမျဉ်းချိုးဖောက်မှုတွေအတွက် စုစုပေါင်း ပေါင် ၈ သိန်း ထပ်မံ ဒဏ်ရိုက်ခံခဲ့ရတာပါ။
မန်စီးတီးဟာ ပရီးမီးယားလိဂ်ရဲ့ ဘဏ္ဍာရေးဆိုင်ရာစည်းမျဉ်း ၁၃၀ အထိ ချိုးဖောက်ခဲ့မှု အပေါ်မှာတော့ စစ်ဆေးနေဆဲ ဖြစ်ပါတယ်။
Photo: Reuters
