အာဆီယံ စီးပွားရေးနှင့် ရင်းနှီးမြုပ်နှံမှု ထိပ်သီးအစည်းအဝေးနဲ့ အတူ ကျင်းပတဲ့ ၇ ကြိမ်မြောက် အာဆီယံ စီးပွားရေးထူးချွန်ဆု ပေးအပ်ပွဲမှာ မြန်မာကုမ္ပဏီ ၆ ခု ဆုတွေ အသီးသီး ရွေးချယ် ချီးမြှင့်ခံရပါတယ်။

လူငယ်စွန့်ဦး တီထွင်သူများ ကဏ္ဍမှာ Blue Ocean Operating Management ကုမ္ပဏီက ပထမဆု၊ အသေးစားနဲ့ အလတ်စား စီးပွားရေးလုပ်ငန်း ကဏ္ဍမှာ Kelvin Chia Yangon Ltd. က ဒုတိယဆု၊ အမျိုးသမီးစီးပွားခေါင်းဆောင်ကဏ္ဍမှာ City Mart Holding ကုမ္ပဏီက ဒုတိယဆု ရရှိခဲ့ပါတယ်။

[caption id="attachment_70647" align="alignright" width="285"] ဓာတ်ပုံ - Myanmar B2B Management[/caption]

ဒါ့အပြင် အာဆီယံဗဟိုပြုစီးပွားကဏ္ဍမှာ မြန်မာအပြည်ပြည်ဆိုင်ရာလေကြောင်းလိုင်း MAI က တတိယဆု၊ Corporate Excellence ထူးချွန်လုပ်ငန်းပေါင်းစုကဏ္ဍမှာ ကမ္ဘောဇဘဏ် (KBZ) က တတိယဆုနဲ့ ဆန်းသစ်တီထွင်ကဏ္ဍမှာ FAME ဆေးဝါးကုမ္ပဏီက တတိယဆု အသီးသီး ရရှိခဲ့ပါတယ်။

ဒီဆုတွေအတွက် အာဆီယံဒေသတွင်းနိုင်ငံက ကုမ္ပဏီ ၅၀၀ ကျော်ထဲကနေ ရွေးချယ်ခဲ့တာ ဖြစ်ပါတယ်။ ပထမအဆင့်အနေနဲ့ နိုင်ငံ အဆင့်ကို ရွေးချယ်ခံရပြီး နောက်တဆင့်အနေနဲ့ ကဏ္ဍ ၆ ခုခွဲခြား သတ်မှတ်ကာ ဒေသတွင်း နိုင်ငံ အဆင့်အနေနဲ့ ရွေးချယ်တာဖြစ်ပါတယ်။

အာဆီယံ စီးပွားရေး ထူးချွန်ဆုမှာ စင်ကာပူနိုင်ငံက ဆုတံဆိပ်အများဆုံးရရှိခဲ့ပါတယ်။