ရုရှားနိုင်ငံကနေ ဥရောပသမဂ္ဂ (EU) နိုင်ငံတွေဆီ သဘာဝဓာတ်ငွေ့ရည် (LNG) တင်ပို့မှုဟာ မတ်လမှာ စံချိန်တင်မြင့်တက်ခဲ့တယ်လို့ ရုရှားနိုင်ငံရဲ့ TASS သတင်းဌာနကို ကိုးကားပြီး ရိုက်တာ သတင်းဌာနက ဧပြီ ၄ ရက်မှာ ဖော်ပြပါတယ်။ 

မတ်လ တလတည်းမှာ ရုရှားကနေ ဥရောပဆီ LNG ထောက်ပံ့မှုမှာ စုစုပေါင်း ၂ ဒသမ ၄၆ ဘီလီယံကုဗမီတာရှိပြီး ဒီပမာဏဟာ ဥရောပအတွေးအခေါ်အဖွဲ့ Bruegel က အချက်အလက်တွေအပေါ်  အခြေခံတဲ့ TASS ရဲ့တွက်ချက်မှုတွေအရ အမြင့်ဆုံးဖြစ်ပါတယ်။ 

ဇန်နဝါရီလကနေ မတ်လအတွင်း EU နိုင်ငံတွေဆီ ရုရှားရဲ့LNG တင်သွင်းမှုဟာ ကုဗမီတာ ၆ ဒသမ ၈ ဘီလီယံလောက်ရှိပြီး မနှစ်က ကုဗမီတာ ၅ ဒသမ ၇ ဘီလီယံရှိခဲ့တယ်လို့ သတင်းဌာနက ဖော်ပြပါတယ်။

မတ် ၂၄ ရက်မှာ ဥရောပကော်မရှင်က ရုရှားစွမ်းအင် အထောက်အပံ့တွေကို အပြီးတိုင်ပိတ်ပင်ဖို့ ရည်ရွယ်တဲ့ ဧပြီ ၁၅ ရက်အထိ တင်သွင်းဖို့ မူလကစီစဉ်ထားတဲ့ အဆိုပြုချက်ကို ရွှေ့ဆိုင်းလိုက်တယ်လို့ ကြေညာခဲ့ပါတယ်။

၂၀၂၅ ခုနှစ် ဇွန်လမှာ ပထမဆုံးမိတ်ဆက်ခဲ့တဲ့ အဆိုပြုထားတဲ့ ဥပဒေပြုရေးဟာ ၂၀၂၇ ခုနှစ် နှစ်ကုန်ပိုင်းမှာ ရုရှားပိုက်လိုင်းဓာတ်ငွေ့နဲ့ LNG ကို တိုက်ရိုက်နဲ့ သွယ်ဝိုက်တင်သွင်းမှုကို အဆင့်လိုက်လျှော့ချဖို့နဲ့ ရုရှားရေနံတင်သွင်းမှုကိုလည်း လုံးဝရပ်တန့်ဖို့ ရည်ရွယ်ထားပါတယ်။

ဒီလုပ်ရပ်ဟာ အရှေ့အလယ်ပိုင်းမှာ တင်းမာမှုတွေ မြင့်တက်လာလို့ ရေနံနဲ့ သဘာဝဓာတ်ငွေ့ဈေးနှုန်းတွေ အသည်းအသန် မြင့်တက်နေချိန်မှာ ပေါ်ပေါက်လာတာလည်း ဖြစ်ပါတယ်။ 

Source: Reuters