မြောက်ကိုရီးယားခေါင်းဆောင် ကင်မ်ဂျုံအန်းဟာ မေ ၁၃ ရက်က စစ်ဘက်အထူးတပ်ဖွဲ့တွေရဲ့ တင့်ကားပစ်ခတ်လေ့ကျင့်မှုနဲ့ နည်းဗျူဟာဆိုင်ရာ အထူးစစ်ဆင်ရေး လေ့ကျင့်မှုကို ကြီးကြပ်ခဲ့ကြောင်း နိုင်ငံပိုင်မီဒီယာ KCNA က မေ ၁၄ ရက်မှာ ထုတ်ပြန်ပါတယ်။
KCNA အစိုးရ သတင်းဌာနက ထုတ်ပြန်တဲ့ ဓာတ်ပုံတွေမှာ ကင်မ်ဂျုံအန်းဟာ စစ်ရေးလေ့ကျင့်မှုကို စောင့်ကြည့်နေပြီး စစ်ဘက်အရာရှိတွေနဲ့ စစ်သားတွေကို တွေ့ဆုံနေပုံတွေ ပြသခဲ့ပါတယ်။
“အရေးကြီးဆုံးတာဝန်ကတော့ စစ်ပွဲပြင်ဆင်မှုတွေကို ပြီးမြောက်အောင် လုပ်ဆောင်ခြင်းပဲ ဖြစ်ကြောင်း” ကင်မ်ဂျုံအန်းက ပြောသွားတယ်လို့ KCNA ရဲ့ ထုတ်လွှင့်ချက်အရ သိရပါတယ်။
အရင်တပတ်က ပြုံယမ်းရှိ ရုရှားသံရုံးကို သွားရောက်ချိန်အတွင်းမှာ ကင်မ်က ရုရှားအပေါ် စစ်ရေးအရ ရန်စမှုအဖြစ် အမေရိကန်က ဆက်လက်လုပ်ဆောင်နေမယ်ဆိုရင် မြောက်ကိုရီးယားကလည်း စစ်အင်အားအသုံးပြုမှုကို ခွင့်ပြုဖို့ တွန့်ဆုတ်နေမှာမဟုတ်ကြောင်း ပြောသွားပါတယ်။
Source: Reuters
