ဝုဗ်တိုက်စစ်မှူး ကူညာနှင့် အပြောင်းအရွှေ့သတင်းအပေါ် မှတ်ချက်မပေးလိုဟု အာမိုရင် ပြော
DVB
·
April 26, 2025
ဝုဗ်တိုက်စစ်မှူး မားသီယက်စ်ကူညာနဲ့ အပြောင်းအရွှေ့သတင်းတွေအပေါ် မှတ်ချက်မပေးလို ကြောင်း မန်ယူနည်းပြ ရူဘင်အာမိုရင်က ပြောသွားပါတယ်။
မန်ယူအသင်းဟာ ဘရာဇီးတိုက်စစ်ကစားသမားအတွက် စာချုပ်ဖျက်သိမ်းကြေး ပေါင် ၆၂ သန်းကျော်ပေးပြီး ခေါ်ယူဖို့ ကြိုးပမ်းနေတာပါ။
အဲဒီအခြေအနေနဲ့ ပတ်သက်လို့ သတင်းထောက်တယောက်က မေးမြန်းရာမှာတော့ မားသီးယက်စ် အကြောင်း မပြောလိုကြောင်းနဲ့ တကြိမ် တခါမှတ်ချက်ပေးမိရင် နောက်ထပ် နောက်ထပ်လည်း ထပ်ပြီး မှတ်ချက်ပေးနေရမှာဖြစ်တာကြောင့် ဘာမှာ မပြောလိုကြောင်းနည်းပြ အာမိုရင်က ပြောပါတယ်။
လက်ရှိဘောလုံးရာသီအပေါ်မှာပဲ အာရုံစိုက်ထားတာကြောင့် လာမယ့်ရာသီအတွက် ပြင်ဆင်မှုတွေအပေါ် စဉ်းစားချိန်မရှိသေးကြောင်းနဲ့ အနာဂတ်မှာ ဘာဖြစ်လာမလဲဆိုတာ ဘယ်သူမှ မသိနိုင်ကြောင်း နည်းပြအာမိုရင်က ပြောသွားပါတယ်။
Photo:Reuters
