ကရင်နီပြည်နယ်နဲ့ ကယန်းဒေသထဲမှာ စစ်ကောင်စီကြောင့် အခုနှစ်ဆန်းကနေ မတ်လကုန်အထိ အရပ်သား ပြည်သူ ၁၈ ယောက် သတ်ဖြတ်ခံခဲ့ရပြီး အာဏာသိမ်းစအချိန်ကနေဆိုရင် ၅၅၅ ယောက် သေဆုံးခဲ့ပြီလို့ တိုးတက်သောကရင်နီပြည်သူ့အင်အားစု (PKPF) က ဧပြီ ၁ ရက် ဒီနေ့ ထုတ်ပြန်ပါတယ်။
၂၀၂၁ ခုနှစ်၊ ဖေဖော်ဝါရီ ၁ ရက်မှ ၂၀၂၅ ခုနှစ်၊ မတ် ၃၁ ရက်အထိ စစ်ရေး၊ နိုင်ငံရေး၊ လူ့အခွင့်အရေး ချိုးဖောက်ခံရတာတွေနဲ့ ပတ်သက်လို့ ထုတ်ပြန်လာတာဖြစ်ပြီး စစ်ရှောင်နေရင်း သေဆုံးသူ ၁၇၇ ယောက် ရှိပါတယ်။
နှစ်ဆန်းကနေ မတ်လကုန်အထိ တိုက်ပွဲ ၅၂ ကြိမ်ဖြစ်ပြီး ၄ နှစ်ကျော်အတွင်း စုစုပေါင်း ၁၃၁၇ ကြိမ်၊ ဒီ ၃ လအတွင်းမှာ လေကြောင်းကနေ ၁၀၄ ကြိမ်တိုက်ခိုက်ခဲ့ပြီး ၄ နှစ်ကျော်အတွင်း ၁၈၆၉ ကြိမ် ရှိခဲ့တယ်လို့ ဆိုပါတယ်။
တိုက်ပွဲတွေအတွင်း KNDF/PDF/KA ဘက်က ကျဆုံးသူ ၇၃၁ ယောက်ရှိပြီး စစ်ကောင်စီဘက်ကတော့ ၃၇၃၂ ယောက် သေဆုံးခဲ့ပါတယ်။
ပြီးတော့ ဘာသာရေးအဆောက်အုံ ၅၇ ခု၊ ဆေးရုံဆေးခန်း ၁၇ ခု၊ အိမ် ၃၀၃၂ လုံးနဲ့ စာသင်ကျောင်း ၂၉ ကျောင်း ပျက်စီးခဲ့ရတယ်လို့လည်း ဆိုပါတယ်။
ကရင်နီနဲ့ ကယန်းဒေသအတွင်း စစ်ကောင်စီရဲ့ တိုက်လေယာဉ် ၃ စင်း ပျက်စီးခဲ့ရသလို ယာဉ်အစီးရေ ၆၈ စီးလည်း ပျက်စီးခဲ့ရတယ်လို့ PKPF က ထုတ်ပြန်ထားပါတယ်။
