မတ်လ ၂၈ ရက်မှာ လှုပ်ခဲ့တဲ့ ငလျင်ကြောင့် အထပ် ၃၀ ကျော်ရှိတဲ့ အဆောက်အအုံ ပြိုကျပြီးတဲ့နောက် ထိုင်းနိုင်ငံ ဘန်ကောက်မြို့တော်က ငလျင်ဒဏ်သင့် ဆောက်လုပ်ရေးလုပ်ငန်းခွင်ကနေ သတ္တုနဲ့ သံမဏိအစိတ်အပိုင်းတွေကို စုံစမ်းစစ်ဆေးနေတယ်လို့ ထိုင်းအာဏာပိုင်တွေက မတ် ၃၁ ရက်မှာ ပြောပါတယ်။

ပြိုကျလုပ်ငန်းခွင်ကနေ ဖြတ်ထုတ်ယူလာတဲ့ သတ္တုအပိုင်းအစတွေမှာ ပါတဲ့ ဖွဲ့စည်းပုံကို စစ်ဆေးဖို့ စမ်းသပ်မယ့်စက်ထဲမှာ ထည့်ထားတဲ့ နမူနာတွေကိုလည်း မီဒီယာတွေကို ပြသခဲ့ပါတယ်။

ထိုင်းစက်မှုလုပ်ငန်းစံနှုန်းဌာနက ဆောင်ရွက်တဲ့ စမ်းသပ်ချက် ရလဒ်တွေကို တနင်္လာနေ့ နှောင်းပိုင်းမှာရဖို့ မျှော်လင့်ထားတယ်လို့လည်း စက်မှုဝန်ကြီးဌာန တာဝန်ရှိသူတွေက ပြောပါတယ်။

လူ ၁၉ ယောက်ထက်မနည်း သေဆုံးခဲ့ရတဲ့ ပြိုကျခဲ့တဲ့ မိုးမျှော်တိုက်ကို ဆောက်လုပ်ရာမှာ မမှန်ကန်တာတွေ ရှိနေတယ်လို့ အဂတိလိုက်စားမှုတိုက်ဖျက်ရေး စောင့်ကြည့်ရေးအဖွဲ့က ထိုင်းနိုင်ငံ ပြည်နယ်စာရင်းစစ်ရုံးအတွက် ထောက်ပြထားတယ်လို့ စောင့်ကြည့်ရေးအဖွဲ့ အကြီးအကဲက ရိုက်တာသတင်းဌာနကို ပြောပါတယ်။

တရုတ်ကုမ္ပဏီနဲ့ ဝါရင့် ထိုင်းဆောက်လုပ်ရေးကုမ္ပဏီတို့ တည်ဆောက်နေတဲ့ မိုးမျှော်တိုက် ပြိုကျရတဲ့ အကြောင်းရင်းကို စုံစမ်းစစ်ဆေးဖို့ ထိုင်းအစိုးရက ကြေညာထားပါတယ်။

Source : Reuters