လာမယ့်ဘောလုံးရာသီမှာ ကြီးမားတဲ့ အပြောင်းအရွှေ့တွေ လုပ်ဆောင်မယ်လို့ အာဆင်နယ်နည်းပြ မီခေးလ် အာတေတာက ပြောပါတယ်။
အာဆင်နယ်ဟာ အပြောင်းအရွှေ့ကိစ္စတွေအတွက် အဓိက လုပ်ဆောင်မယ့် အားကစားဒါရိုက်တာသစ် အန်ဒရီယာဘာတာကို ခေါ်ယူခန့်အပ်ပြီးနောက်မှာ နည်းပြ အာတေတာက ကြီးမားတဲ့အပြောင်းအရွှေ့တွေ လုပ်ဆောင်မယ်လို့ ကတိပေးခဲ့တာပါ။
လာမယ့် နွေရာသီ အပြောင်းအရွှေ့မှာ အသင်းရဲ့ ကစားသမားအင်အား တောင့်တင်းဖို့အတွက် ကြီးမားတဲ့ ကစားသမား ခေါ်ယူမှုတွေ လုပ်ဆောင်မှာဖြစ်ကြောင်း၊ နောက်တဆင့်ကို တက်လှမ်းနိုင်ဖို့အတွက် အရည်အချင်းနဲ့ အရည်အသွေး ဖြည့်တင်းမှုတွေ လုပ်ဆောင်ဖို့ လိုအပ်ကြောင်း နည်းပြအာတေတာက ပြောပါတယ်။
အာဆင်နယ်ဟာ အခုနှစ်ရာသီမှာ အခက်အခဲတွေနဲ့ ရင်ဆိုင်နေရတဲ့ တိုက်စစ်ပိုင်းပြဿနာကို ဖြေရှင်းဖို့ အဓိက အာရုံစိုက်ထားပြီး လာမယ့်ရာသီမှာ အရည်အသွေးမြင့် တိုက်စစ်မှူးတယောက် ခေါ်ယူသွားဖို့ ရှိပါတယ်။
Photo-Reuters
