ချန်ပီယံမျှော်လင့်ချက်နှင့်ပတ်သက်ပြီး ဖြေကြားရန် အာဆင်နယ်နည်းပြ ငြင်းဆို
DVB
·
March 10, 2025
အာဆင်နယ်အသင်းအနေနဲ့ ချန်ပီယံမျှော်လင့်ချက် ပြီးဆုံးသွားပြီလားဆိုတဲ့ မေးခွန်းကို နည်းပြ အာတေတာက ဖြေကြားဖို့ ငြင်းဆန်သွားပါတယ်။
အာဆင်နယ်အသင်းဟာ မတ် ၉ ရက်က ကစားခဲ့တဲ့ မန်ယူအသင်းနဲ့ ပရီးမီးယားလိဂ်ပွဲစဉ်မှာ တဂိုးစီသရေကျခဲ့ပြီး အမှတ်ပေးဇယားထိပ်က လီဗာပူးထက် တပွဲလျော့ထားပေမဲ့ ၁၅ မှတ်အထိ ကွာဟသွားခဲ့တာပါ။
လက်ကျန် ၁၀ ပွဲ ကျန်ရှိနေချိန်မှာ ချန်ပီယံမျှော်လင့်ချက် ပြီးဆုံးသွားပြီလားလို့ သတင်းထောက်တယောက်က မေးမြန်းခဲ့ရာမှာ အဲဒီမေးခွန်းအပေါ် မဖြေကြားချင်ကြောင်း၊ မန်ယူနဲ့ပွဲမှာ နိုင်ပွဲမရတဲ့အပေါ် စိတ်ပျက်မိပြီး ချန်ပီယံမျှော်လင့်ချက်ရှိဖို့ဆိုရင် ပွဲတိုင်း အနိုင်ကစားရမယ့်တာဝန်ရှိကြောင်း နည်းပြအာတေတာက ပြောသွားပါတယ်။
လက်ကျန် ၉ ပွဲမှာ လီဗာပူးအသင်းက ၁၆ မှတ်ရယူနိုင်မယ်ဆိုရင် ချန်ပီယံဖြစ်ဖို့ သေချာသွားမှာ ဖြစ်ပါတယ်။
