အာဆင်နယ်အသင်းဟာ ပီအက်စ်ဗွီအသင်းကို ၇ ဂိုး ၁ ဂိုးနဲ့ အနိုင်ရခဲ့ပြီးနောက် ချန်ပီယံလိဂ် ရှုံးထွက်အဆင့် အဝေးကွင်းပွဲစဉ်မှာ ၇ ဂိုးအထိ သွင်းယူနိုင်တဲ့ ပထမဆုံးအသင်းအဖြစ် စံချိန်သစ်တင်နိုင်ခဲ့ပါတယ်။
လွန်ခဲ့တဲ့ ၁၃ နှစ်က နယူးကာဆယ်ကို ၇ ဂိုးသွင်းခဲ့ပြီးနောက် အာဆင်နယ်အတွက် ပထမဆုံးအကြိမ် တပွဲတည်း ၇ ဂိုးအထိ သွင်းယူနိုင်ခဲ့တာပါ။
အိမ်ရှင် ပီအက်စ်ဗွီ အသင်းအတွက်လည်း ၁၁၃ နှစ်ကြာတဲ့ အသင်းသမိုင်းတလျှောက် အိမ်ကွင်းမှာ တကြိမ်တခါမှ ၇ ဂိုး အသွင်းခံရခြင်း မရှိခဲ့တာကြောင့် အာဆင်နယ်နဲ့ ပွဲစဉ်က အဆိုးရွားဆုံးပွဲစဉ်အဖြစ် မှတ်တမ်းတင်ခံရပါတယ်။
ပီအက်စ်ဗွီနဲ့နိုင်ပွဲက အသင်းအတွက် ပျော်ရွှင်မှုတွေအပြင် ယုံကြည်မှုတွေလည်း ပေးစွမ်းနိုင်ခဲ့ပြီး နောက်တဆင့်တက်ဖို့အတွက် အလွန်ကြီးမားတဲ့ အခြေအနေ ရောက်ရှိစေခဲ့ကြောင်း နည်းပြ အာတေတာက ပြောပါတယ်။
အရင်စံချိန်ဟောင်းက ၁၉၇၀-၇၁ ရာသီကဖြစ်ပြီး ၁၆ သင်းအဆင့်မှာပဲ ဆဲလ်တစ်က အိုင်ယာလန်ကလပ် ဝါတာဖိုဒ်ကို ၇ ဂိုး ဂိုးမရှိနဲ့ အနိုင်ရခဲ့ဖူးတာ ဖြစ်ပါတယ်။
Photo-Reuters
