ပီအက်စ်ဗွီနှင့် ပွဲစဉ်က အာဆင်နယ်အသင်း၏ ဘောလုံးရာသီကို ပြောင်းလဲနိုင်
DVB
·
March 4, 2025
ပီအက်စ်ဗွီအသင်းနဲ့ ကစားရမယ့် ချန်ပီယံလိဂ်ပွဲစဉ်က အသင်းရဲ့ ဘောလုံးရာသီကို ပြောင်းလဲနိုင်ကြောင်း အာဆင်နယ်နောက်ခံလူ ဂျူရီယန်တင်းဘားက ပြောသွားပါတယ်။
အာဆင်နယ်ဟာ ပရီးမီးယားလိဂ်မှာ ထိပ်ဆုံးက လီဗာပူးထက် တပွဲလျော့ အခြေအနေမှာ ၁၃ မှတ်အထိ ကွာဟနေတာကြောင့် ဆုဖလားမျှော်လင့်ချက်အနေနဲ့ ချန်ပီယံလိဂ်ပြိုင်ပွဲသာ ကျန်ရှိတော့တာပါ။
ဒီလိုအခြေအနေမှာ ပီအက်စ်ဗွီကို အနိုင်ရမယ်ဆိုရင် အသင်းရဲ့ ဘောလုံးရာသီကို ပြောင်းလဲနိုင်ပြီး ပထမအဆင့် ပွဲစဉ်တွေကအတိုင်း ခြေစွမ်းပြသနိုင်ဖို့ မျှော်လင့်ကြောင်း တင်းဘားက ပြောပါတယ်။
တိုက်စစ်ပိုင်းမှာ ဒဏ်ရာပြဿနာတွေရှိနေတာက စိတ်လှုပ်ရှားစရာ စိန်ခေါ်မှုဖြစ်ပြီး ကစားသမားတိုင်းက ဂိုးသွင်းယူနိုင်စွမ်းရှိတယ်ဆိုတာ ပြသသွားရမှာဖြစ်ကြောင်း ဟော်လန်နောက်ခံလူ တင်းဘားက ပြောသွားပါတယ်။
Photo: Reuters
