၂၀၂၅ ခုနှစ် ဖော်မြူလာဝမ်း ပြိုင်ပွဲရာသီအတွက် Aston Martin က သုံးစွဲမယ့် ပြိုင်ကားသစ်ကို မိတ်ဆက်လိုက်ပါတယ်။
မာစီးဒီးစ်အင်ဂျင်တပ် AMR25 ကားသစ်ကို ဖေဖော်ဝါရီ ၂၆ ရက်ကျရင် ဘာရိန်းမှာ စတင် စမ်းသပ်မောင်းနှင်မှာ ဖြစ်ပါတယ်။
Aston Martin အသင်းဟာ ၂၀၂၄ ခုနှစ်မှာ ဒုတိယနှစ်အဖြစ် ဝင်ပြိုင်ခဲ့ရာ ပဥ္စမနေရာမှာ ရပ်တည်နိုင်ခဲ့ပါတယ်။
ပထမဆုံးအကြိမ်ဝင်ပြိုင်တဲ့ ၂၀၂၃ တုန်းက အသင်းကိုယ်စားပြုပြိုင်ပေးတဲ့ ကမ္ဘာ့ချန်ပီယံ နှစ်ကြိမ်ရ အလွန်ဆိုဟာ ရှေ့ပိုင်းပွဲစဉ် ၈ ပွဲမှာ ၆ ပွဲအထိ နိုင်ခဲ့ပြီး အများကြီး မျှော်လင့်ခဲ့ကြတာပါ။
ဒါပေမဲ့ ၂၀၂၄ မှာတော့ အလွန်ဆိုဟာ အဆင့် ၅ ထက် ပိုမြင့်တဲ့အဆင့်တောင် မရတော့သလို အသင်းဖော် လန့်စထရိုးကလည်း အဆင့် ၆ ပဲ အမြင့်ဆုံးရခဲ့ပါတယ်။
အသင်းရဲ့ နည်းစနစ်ဒါရိုက်တာ ဒန်ဖဲလိုး နေရာမှာ ဖရာရီအသင်းက နည်းစနစ်ဒါရိုက်တာ အန်ရီကို ကာဒီလီနဲ့ အစားထိုးထားပါတယ်။
ရက်ဒ်ဘူးလ်အသင်းက ဆုရဒီဇိုင်နာ အန်ဒရီယန်နီဝေးကိုလည်း ခေါ်ယူထားပြီး မတ် ၃ ရက်နေ့ စတင်တာဝန်ယူမှာ ဖြစ်ပါတယ်။
ဖော်မြူလာဝမ်းရာသီဟာ မတ်လ ၁၆ ရက်နေ့ကျရင် ဩစတြေးလျမှာ စတင်မှာဖြစ်ပါတယ်။
Source : Reuters
