ဘရာဇီးတိုက်စစ်မှူးနေမာ အယ်ဟီလယ်နှင့် စာချုပ်ဖျက်သိမ်းပြီး ဆန်းတို့စ်အသင်းဆီ ပြောင်းရွှေ့
DVB
·
January 29, 2025
ဆော်ဒီကလပ် အယ်ဟီလယ်နဲ့ စာချုပ်ဖျက်သိမ်းခဲ့တဲ့ ဘရာဇီးတိုက်စစ်မှူးနေမာဟာ မွေးရပ်မြေကလပ် ဆန်းတို့စ်အသင်းဆီ ပြန်လည်ပြောင်းရွှေ့ကစားတော့မှာ ဖြစ်ပါတယ်။
ဘရာဇီးတိုက်စစ်မှူးဟာ ဒဏ်ရာပြဿနာတွေကြောင့် အယ်ဟီလယ်နဲ့ ၂ ရာသီကြာကာလအတွင်းမှာ ၇ ပွဲသာ ကစားနိုင်ခဲ့ပြီး သွင်းဂိုး ၁ ဂိုး၊ ၂ ဂိုးဖန်တီးမှုသာ ပြုလုပ်နိုင်ခဲ့ တာပါ။
နေမာဟာ ဆန်းတို့စ်အသင်းနဲ့ ၆ လစာချုပ်ချုပ်ဆိုမှာဖြစ်ပြီး ရာသီကုန်ဆုံးချိန်မှာ တနှစ်သက်တမ်းတိုးမယ့် သဘောတူညီမှု ပါဝင်တယ်လို့ သိရပါတယ်။
နေမာ ပြန်လာမယ့်အပေါ် ဆန်းတို့စ်အသင်းဥက္ကဋ္ဌ မာဆယ်လို တိုင်ဆီယာကအတည်ပြုခဲ့ပါ တယ်။ ဆန်းတို့စ်အသင်းနဲ့ ကစားသမားဘဝစတင်ခဲ့တဲ့ နေမာဟာ ၂၀၀၉ ခုနှစ်ကနေ ၂၀၁၃ ခုနှစ်အထိ ကစားခဲ့ပြီး ဘာစီလိုနာ၊ ပီအက်စ်ဂျီနဲ့ အယ်ဟီလယ်အသင်းတွေမှာ ပြောင်းရွှေ့ကစားခဲ့ပါတယ်။
Photo-Reuters
Live
