လီဗာပူးအသင်း ရလဒ်ကောင်းမွန်နေတဲ့ အကြောင်းအရင်းကို နောက်ခံလူ ဗန်ဒိုက်က ရှင်းပြ ပြောဆိုသွားပါတယ်။

လီဗာပူးအသင်းဟာ နည်းပြ ယာဂန်ကလော့အလွန်မှာ အခက်တွေ့ရလိမ့်မယ်လို့ ခန့်မှန်း သုံးသပ်ခဲ့ကြပေမဲ့ ပရီးမီးယားလိဂ်ပွဲစဉ် ၁၇ အပြီးမှာ ပြိုင်ဘက်တွေကို အမှတ်ဖြတ်ပြီး ဦးဆောင်နေတာပါ။

နည်းပြအပြောင်းအလဲမှာ ရလဒ်ကောင်းမွန်နေတာက ကစားသမားတွေရဲ့ အတွေ့အကြုံနဲ့ အရည်အချင်းတွေကြောင့်ဖြစ်ပြီး နည်းပြအပြောင်းအလဲရှိခဲ့ပေမဲ့ ကစားသမားတွေရဲ့ အရည်အချင်းအပေါ် အပြည့်အဝယုံကြည်ကြောင်း ဗန်ဒိုက်က ပြောသွားပါတယ်။

ခရစ္စမတ်ကာလမှာ အမှတ်ပေးဇယားကို ဦးဆောင်နိုင်တာက ကျေနပ်စရာကောင်းပြီး မေလအထိ ဆက်လက်ဦးဆောင်နိုင်ဖို့ ကြိုးစားသွားမှာဖြစ်ကြောင်း နောက်ခံလူ ဗန်ဒိုက်က ပြောသွားပါတယ်။