အောက်တိုဘာ ၁၇ ရက်နေ့ညက မိုးသည်းထန်စွာ ရွာသွန်းခဲ့တဲ့အတွက် ဒေါင်းနေချောင်း ရေလျှံကာ မကွေးမြို့နယ် ကမ်းရင်ကျေးရွာမှာ ရေကြီးနစ်မြုပ်ခဲ့ပြီး လူနေအိမ်ခြေတွေအပါအ၀င် ကိုင်းနဲ့ ယာမြေတွေ ပျက်စီးခဲ့ပါတယ်။
ည ၁၀ နာရီခွဲမှာ စတင်ရွာသွန်းခဲ့တဲ့မို့ဟာ ည ၁၁ နာရီမှာ ဒေါင်းနေချောင်း ကနေ ရေအလုံးအရင်းနဲ့ ၀င်လာခဲ့တယ် လို့ ဒေသခံတွေ က ပြောပါတယ်။
ရွာမှာရှိတဲ့ အိမ်ခြေ ၁၀၀ ကျော်ရေနစ်မြုပ်ခဲ့ရသလို လယ်သမားသုံးပစ္စည်းတွေ ရေထဲမျောပါသွားခဲ့ပါတယ်။
ဒေါင်းနေချောင်းအတွင်းမှာ စိုက်ပျိုးထားတဲ့ ကိုင်းယာမြေ ၁၀၀ ကျော်လည်း သဲဖုံးလွှမ်းပျက်စီးသွားခဲ့ပါတယ်။
ရေဘေးဒုက္ခရောက်နေသူတွေကို ကျေးရွာဘုန်းကြီးကျောင်းမှာ ပြောင်းရွေ့ထားရပြီး လတ်တလော ရေဘေးလွတ်တဲ့ ကျေးရွာသူကျေးရွာသားတွေက ကူညီစောင့်ရှောက်ပေးနေရတာပါ။
ဒေသဆိုင်ရာ အာဏာပိုင်အဖွဲ့ အစည်းတွေတော့ ရောက်မလာသေးဘူးလို့လည်း ဒေသခံတွေက ဆိုပါတယ်။
ဒေါင်းနေချောင်းဟာ လွန်ခဲ့တဲ့ ၈ နှစ်လောက်ကလည်း ရေကြီးခဲ့လို့ ကမ်းရင်ကျေးရွာ တရွာလုံး ရေနစ်မြုပ်ခဲ့ဖူးပါတယ်။
ကျေးရွာသူကျေးရွာသားတွေအများစုကတော့ ရေလွှဲရေကာတာတွေ လုပ်ပေးနိုင်ရင် ရေဘေးအန္တရာယ်က ကင်းဝေးနိုင်မယ်လို့ ပြောဆိုနေကြပါတယ်။
