ပြန်ကြားရေးဝန်ကြီးဌာနဟာ ပုံနှိပ်ခြင်းနဲ့ ထုတ်ဝေခြင်း နည်းဥပဒေကို ပြဋ္ဌာန်းခဲ့ပြီ ဖြစ်တာကြောင့် နဂိုက ဆိုင်းငံ့ထားခဲ့တဲ့ ထုတ်ဝေခွင့် လက်မှတ်တွေ ပြန်လည် ထုတ်ယူနိုင်ပြီလို့ ဒီကနေ့ ကြေညာပါတယ်။

ဒါ့အပြင် ဂျာနယ်၊ မဂ္ဂဇင်း၊ သတင်းစာနဲ့ အထွေထွေထုတ်ဝေခွင့် အသစ်တွေ လည်း လျှောက်ထားနိုင်ပြီး ဥပဒေနဲ့ နည်းဥပဒေအသစ်အရ စိစစ်ထုတ်ပေး သွားမယ်လို့ သိရပါတယ်။

ဒါအပြင် သက်တမ်းကုန်ဆုံးနေပြီ ဖြစ်တဲ့ ပုံနှိပ်သူနဲ့ ထုတ်ဝေသူတွေဟာလည်း အောက်တိုဘာ ၁၅ ရက်နေ့က စပြီး ပြန်လည် သက်တမ်းတိုးနိုင်ပြီလို့ ထုတ်ပြန်ချက်မှာ ဖော်ပြထားပါတယ်။

အစိုးရဟာ ၂၀၁၄ မတ် ၁၄ ရက်နေ့က ပုံနှိပ်ခြင်းနဲ့ ထုတ်ဝေခြင်းလုပ်ငန်း ဥပဒေကို သမ္မတ ဦးသိန်းစိန်က လက်မှတ်ရေးထိုး ပြဌာန်းခဲ့ပြီးနောက် စာနယ်ဇင်း ဖိနှိပ်မှုကို ဖြစ်စေတဲ့ ၁၉၆၂ ခုနှစ် ပုံနှိပ်သူများနဲ့ ထုတ်ဝေသူများ မှတ်ပုံတင်ခြင်း ဥပဒေကို ရုပ်သိမ်းခဲ့ပါတယ်။