ဘာစီလိုနာတိုက်စစ်မှူး လီဝန်ဒေါ့စကီးဟာ ပြီးခဲ့တဲ့ပွဲမှာ ၂ ဂိုးသွင်းခဲ့တာကြောင့် ချန်ပီယံလိဂ်သွင်းဂိုး ၉၉ ဂိုးပြည့်ခဲ့ပြီး ဂိုး ၁၀၀ ပြည့်ဖို့ ၁ ဂိုးအလိုကို ရောက်ရှိလာပါတယ်။
ဒီရာသီပြိုင်ပွဲစုံ ၁၆ ပွဲကစား ၁၉ ဂိုးသွင်းယူထားတဲ့ အသက် ၃၆ နှစ်အရွယ်ရှိ လီဝန်ဒေါ့စကီးဟာ ချန်ပီယံလိဂ်သမိုင်းတလျောက် ဂိုးအများဆုံးသွင်းသူစာရင်းမှာ ရော်နယ်ဒို၊ မက်ဆီတို့ပြီးရင် တတိယဂိုးသွင်းအများဆုံးနေရာမှာ ရပ်တည်နေပါတယ်။
ချန်ပီယံလိဂ်အမှတ်ပေးဇယားပွဲစဉ် ၄ မှာ ဘာစီလိုနာ၊ ဘိုင်ယန်မြူးနစ်တို့ အနိုင်ရခဲ့ပြီး အာဆင်နယ်၊ အက်စတွန်ဗီလာစတဲ့အင်္ဂလန် ၂ သင်းရှုံးပွဲတွေ့ခဲ့ကာ မျက်နှာသစ် ပြင်သစ်ကလပ် ဘရပ်လည်း အနိုင်ရခဲ့ပါတယ်။
အဖွင့်ပွဲစဉ်မှာ မိုနာကိုအသင်းကို ရှုံးနိမ့်ခဲ့တဲ့ ဘာစီလိုနာအသင်းဟာ ရက်စတားဘဲဂရိတ်အသင်းကို (၂-၅) ဂိုးနဲ့ အနိုင်ရပြီး ချန်ပီယံ ၃ ပွဲဆက်တိုက်အနိုင်ရခဲ့တာ ဖြစ်ပါတယ်။
ပြီးခဲ့တဲ့ပွဲမှာ ဘာစီလိုနာတိုက်စစ်မှူးတွေဖြစ်တဲ့ လီဝန်ဒေါ့စကီးနဲ့ ရာဖင်ဟာတို့ ဂိုးတွေသွင်းနိုင်ခဲ့လို့ ချန်ပီယံလိဂ် ဂိုးသွင်းအများဆုံးစာရင်းမှာ ၅ ဂိုးစီ သွင်းယူထားတာ တွေ့ရပါတယ်။
ဘာစီလိုနာအသင်းဟာ ပြိုင်ပွဲစုံ နောက်ဆုံး ၇ ပွဲမှာ ၂၉ ဂိုးအထိ သွင်းယူထားပြီး ခြေစွမ်းပြနေပါတယ်။
ချန်ပီယံလိဂ်နောက်ဆုံး ၃ ပွဲမှာလည်း ၁၄ ဂိုအထိ သွင်းယူထားနိုင်တဲ့ ဘာစီလိုနာဟာ ၁၉၅၉-၆၀ နောက်ပိုင်း ဥရောပပြိုင်ပွဲတွေ မှာ ၃ ပွဲဆက် ၄ ဂိုးအထက် သွင်းယူနိုင်ခဲ့တာလည်း ဖြစ်ပါတယ်။
အင်တာမီလန်ကို အဝေးကွင်းမှာ ပင်နယ်တီနဲ့ အရှုံး ပေးခဲ့ရတဲ့ အာဆင်နယ်အသင်းအတွက် ဒီရာသီပထမဆုံးဥရောပပြိုင်ပွဲ ရှုံးနိမ့်မှုဖြစ်လာပါတယ်။
ချန်ပီယံလိဂ် ၂ ပွဲဆက်တိုက် ရှုံးနိမ့်ခဲ့တဲ့ ဘိုင်ယန်မြူးနစ်အသင်းကလည်း ပြီးခဲ့တဲ့ပွဲမှာ ဘင်ဖီကာကို အိမ်ကွင်းမှာကပ်ပြီး အနိုင်ရခဲ့တာတွေ့ရပါတယ်။
ချန်ပီယံလိဂ်မှာ ၃ ပွဲဆက်နိုင်ပြီး ခြေစွာနေတဲ့ အက်စတွန်ဗီလာဟာ ဘရုဂျက်ကို အဝေးကွင်းမှာ ရှုံးနိမ့်ပြီး နိုင်ပွဲဆက်နေမှု ရပ်တန့်ခဲ့ပါတယ်။
ချန်ပီယံလိဂ် မျက်နှာသစ်အသင်းဖြစ်တဲ့ ပြင်သစ်ကလပ်ဘရပ် ပြီးခဲ့တဲ့ပွဲမှာ စပါတာပရက်ကို အနိုင်ရခဲ့လို့ ချန်ပီယံလိဂ်မှာ ၃ ပွဲနိုင် ၁ပွဲ ၁ ရေနဲ့ အံ့ဩဖွယ်ခြေစွမ်းပြနေပါတယ်။ ပီအက်စ်ဂျီအသင်းကတော့ အက်သလက်တီကို ကို ၂-၁ နဲ့ ရှုံးနိမ့်ခဲ့တာတွေ့ရပါတယ်။
Photo-Reuters
