ရန်ကုန်၊ လှိုင်သာယာမှာ စ​လော့ဂိမ်း​ဆော့ဖို့ တနာရီကို ကျပ် ၅,၀၀၀ နဲ့ ဖုန်းအငှားဝန်​ဆောင်မှုတွေ ရှိ​နေတယ်လို့ မြို့ခံ​တွေရဲ့​ပြောပြချက်အရ သိရပါတယ်။

လက်ရှိကာလမှာ အွန်လိုင်းစလော့ဂိမ်းတွေကို အလွယ်တကူဆော့နိုင်ဖို့ ရည်ရွယ်တဲ့ ဖုန်းအငှား ဝန်ဆောင်မှုတွေ ရန်ကုန်က မြို့နယ်တချို့မှာ ပေါ်ပေါက်လာနေတာဖြစ်ပါတယ်။

ဒီဝန်ဆောင်မှုတွေမှာတော့ တနာရီကို ကျပ် ၅,၀၀၀ ဝန်းကျင်နဲ့ ဖုန်းတွေကို ငှားရမ်းပေးနေပြီး အထူးသဖြင့် စလော့ဂိမ်းတွေ၊ အွန်လိုင်းဂိမ်းတွေ ဆော့ဖို့ အသုံးပြုနေကြတာဖြစ်တယ်လို့ လှိုင်သာယာမှာ​နေထိုင်သူ တယောက်က ပြောပါတယ်။

"အလုပ်ဖြစ်​နေတာ ဖုန်းအငှားဝန်​ဆောင်မှုက။ ​​တော်​တော်များများ​ဆော့ကြတယ် အွန်လိုင်းဂိမ်းကို။ အဲဒါ​ကြောင့်လည်း ဒီဝန်​​ဆောင်မှုက​ပေါ်လာတာ။ ထိထိ​ရောက်​ရောက်အ​ရေးယူ​​စေချင်တာ။ မ​​ဆော့တဲ့သူ မရှိသ​လောက်ပဲ။ အဲဒီဂိမ်း​ကြောင့် ဘဝပျက်သွားတဲ့သူ​တွေအများကြီးပဲ။”

ဖုန်းငှားဝန်ဆောင်မှုတွေဟာ လူငယ်အများစုကို ရည်ရွယ်ပြီး လုပ်ကိုင်လာကြတာဖြစ်ပြီး ကိုယ်ပိုင်ဖုန်း မရှိသူတွေ၊ ဒါမှမဟုတ် ဖုန်းစွမ်းဆောင်ရည် မလုံလောက်သူတွေကလည်း ဒီဝန်ဆောင်မှုကို အသုံးပြုလာကြတယ်လို့ ဆိုပါတယ်။

ဒါပေမဲ့ ဒီလိုဝန်ဆောင်မှုတွေကြောင့် အွန်လိုင်းဂိမ်းကစားမှု ပိုမိုတိုးလာနိုင်ပြီး တချို့ကိစ္စရပ်တွေမှာ ငွေကြေးဆုံးရှုံးမှုတွေ၊ စွဲလမ်းမှုတွေ ဖြစ်လာနိုင်တဲ့ အန္တရာယ်တွေရှိတယ်လို့လည်း သုံးသပ်မှုတွေ ထွက်ပေါ်နေပါတယ်။

​ငွေ​ကြေးအ​မြောက်အမြား​ချေးယူကာ အွန်လိုင်းဂိမ်းကို အလွန်အကျွံ​ဆော့ကြသူတချို့  ဘဝ ပျက်တာတွေလည်း ရှိနေပါတယ်။

စ​လော့ဂိမ်း​ဆော့ဖို့ ဖုန်းအငှားဝန်​ဆောင်မှုဟာ လူ​နေထူထပ်တဲ့ လှိုင်သာယာအပါအဝင် ​ရွှေပြည်သာ၊ ​တောင်ဒဂုံအစရှိတဲ့ ဆင်​ခြေဖုန်းရပ်ကွက်​တွေမှာ တွင်ကျယ်​နေတယ်လို့ ဒေသခံတွေထံက သိရ ပါတယ်။