မြန်မာ-တရုတ် နှစ်နိုင်ငံအချင်းချင်းချစ်ကြည်ရေး၊ မိတ်ဝတ်မပျက်ဆက်ဆံရေးတို့ကို ရှေးရှုပြီး လားရှိုးအကျဉ်းထောင်မှာ အကျဉ်း ကျခံနေတဲ့ တရုတ်နိုင်ငံသား အကျဉ်းသား ၄၅ ဦးကို နိုင်ငံတော်သမ္မတရုံးရဲ့ ခွင့်ပြုချက်အရ ပြစ်မှုဆိုင်ရာ ကျင့်ထုံးဥပဒေပုဒ်မ ၄၀၁ အပိုဒ်ခွဲ ၁ နဲ့အညီ အောက်တိုဘာ ၇ ရက်နေ့က လွတ်ငြိမ်းသက်သာခွင့်ပေးလိုက်ပါတယ်။
[caption id="attachment_67484" align="alignleft" width="484"]
တရုတ်အကျဉ်းသားများ ပြန်လွှဲအပ်စဉ်[/caption]
အဲ့ဒီလို လွတ်ငြိမ်းသက်သာခွင့်ရလိုက်တဲ့ တရုတ်နိုင်ငံသား အကျဉ်းသားတွေကို လားရှိုးမြို့အကျဉ်းဦးစီးဌာနကနေ ရှမ်းပြည်နယ် မြောက်ပိုင်း လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဌာနက လွှဲပြောင်းလက်ခံယူကာ မူဆယ်မြို့ကို ပို့ဆောင်ပါတယ်။
မြန်မာ- တရုတ်နယ်စပ် နန်းတော်ဂိတ်မှာ တရုတ်နိုင်ငံ ရွှေလီနယ်စပ်ကာကွယ်စစ်ဆေးရေးဌာန အကြီးအကဲ Mr He Hiang Xing ကို အောက်တိုဘာ ၈ ရက်နေ့ ညနေ ၅ နာရီအချိန်က လွှဲပြောင်းပေးခဲ့ပါတယ်။
မြန်မာ - တရုတ် နှစ်နိုင်ငံချစ်ကြည်ရေးအရ ပြစ်ဒဏ်မျိုးမျိုးကျခံနေတဲ့ တရုတ်နိုင်ငံသား အကျဉ်းသားတွေကို လွတ်ငြိမ်းသက်သာခွင့် ပေးရာမှာ ဒီတကြိမ်ဟာ အရေအတွက် အများဆုံးဖြစ်ကြောင်းသိရပါတယ်။
