ဘရာဇီးသမ္မတ လူလာဟာ ခေါင်းဒဏ်ရာကြောင့် BRICS ထိပ်သီးအစည်းအဝေး တက်ရောက်မယ့် ခရီးစဉ်ကို ဖျက်သိမ်းခဲ့ပါတယ်။
အောက်တိုဘာ ၂၀ ရက်က အိမ်မှာ လဲကျမှုက လူလာရဲ့ ခေါင်းနောက်ပိုင်းကို ထိခိုက်မိလို့ ဒဏ်ရာကို ချုပ်ပြီး ကုသခဲ့ရပါတယ်။
လဲကျတဲ့ဒဏ်ရာကြောင့် ဦးနှောက်သွေးထွက်ခြင်း အနည်းငယ်ဖြစ်ခဲ့တယ်လို့ ဆရာဝန်က ဆိုပါတယ်။
လူလာဟာ ဒဏ်ရာကြောင့် ခေါင်းထိခိုက်ခဲ့ပြီး အချိန်ကြာမြင့်စွာ လေယာဉ်စီးခြင်းကို ရှောင်ကြဉ်ဖို့ ဆရာဝန်တွေက အကြံပေးထားပါတယ်။ ဒါပေမဲ့ ပုံမှန်လုပ်ငန်းတွေတော့ လုပ်ဆောင်နိုင်တယ်လို့ ဆရာဝန်တွေက အကြံပြုထားတာ ဖြစ်ပါတယ်။
လူလာဟာ ရုရှားကို ညနေ ၅ နာရီမှာ ထွက်ခွာမှာဖြစ်တယ်လို့ သမ္မတရုံးက အစောပိုင်းမှာ ထုတ်ပြန်ခဲ့ပေမဲ့ မတော်တဆမှုကြောင့် အွန်လိုင်းကနေပဲ အစည်းအဝေး တက်ရောက်ဖွယ် ရှိပါတယ်။
BRICS ထိပ်သီးအစည်းအဝေးပွဲကို နိုင်ငံခြားရေးဝန်ကြီးက ဘရာဇီးနိုင်ငံရဲ့ကိုယ်စား တက်ရောက်မှာ ဖြစ်တယ်လို့လည်း ဘရာဇီးအစိုးအဖွဲ့က ဆိုရှယ်မီဒီယာ X မှာ ဖော်ပြထားပါတယ်။
BRICS ကို လွန်ခဲ့တဲ့ ၁၅ နှစ်တည်းက စတင်ပြုလုပ်ခဲ့တာဖြစ်ပြီး ဘရာဇီး၊ ရုရှား၊ အိန္ဒိယ၊ တရုတ်တို့ ပါဝင်ကာ တောင်အာဖရိက၊ အီဂျစ်၊ အီသီယိုးပီးယား၊ အီရန်နဲ့ ယူအေအီးတို့လည်း ပါဝင်ပါတယ်။
Source-Reuters
