၂၀၂၁ ခုနှစ်နောက်ပိုင်း ချဲလ်ဆီးနည်းပြတယောက် ပထမဆုံးအကြိမ်အဖြစ် တလတာ အကောင်းဆုံး နည်းပြဆု ရရှိခဲ့ပါတယ်။

စက်တင်ဘာလအတွက် ပရီးမီးယားလိဂ်အကောင်းဆုံးဆုတွေကို ထုတ်ပြန်ခဲ့ရာမှာ ချဲလ်ဆီးနည်းပြ မာရက်စကာက အကောင်းဆုံးနည်းပြဆုရရှိခဲ့ပြီး တိုက်စစ်ကစားသမား ကိုးလ် ပါလ်မာက အကောင်းဆုံးကစားသမားဆု ရရှိခဲ့တာပါ။

ချဲလ်ဆီးအသင်းဟာ စက်တင်ဘာလ အတွင်းမှာ ကစားခဲ့တဲ့ ၄ ပွဲမှာ ၃ ပွဲနိုင် ၁ ပွဲသရေ ရလဒ်ရရှိခဲ့တာပါ။

၂၀၂၁ ခုနှစ် အောက်တိုဘာလက နည်းပြသောမက်စ်တူဟယ်က အကောင်းဆုံးဆု ရရှိပြီးနောက်ပိုင်း ချဲလ်ဆီးနည်းပြတယောက်အနေနဲ့  ပထမဆုံး အကြိမ် ဆုပြန်လည်ရရှိခဲ့တာပါ။ ပါလ်မာဟာ ဘရိုက်တန်နဲ့ပွဲစဉ်မှာ တယောက်တည် ၄ ဂိုးသွင်းခဲ့ပြီး စက်တင်ဘာလအတွင်း ကစားခဲ့တဲ့ ၄ ပွဲမှာ စုစုပေါင်း ၅ ဂိုးသွင်းယူနိုင်ခဲ့တာကြောင့် အကောင်းဆုံး ကစားသမားဆု ရရှိခဲ့တာဖြစ်ပါတယ်။ 

Photo-Reuters