ရှမ်းပြည်နယ်မြောက်ပိုင်း နမ့်ခမ်းမြို့ နောင်ဇန့်ရပ်ကွက်မှာ စက်တင်ဘာ ၁၈ ရက်နေ့ ညက ဗုံးပေါက်ကွဲလို့ လူ ၁ ဦး ဒဏ်ရာရခဲ့ပါတယ်။
ဗုံးကွဲနေရာဟာ ကျားဖြူပါတီရဲ့ နမ့်ခမ်းမြို့နယ် အလုပ်အမှုဆောင် စိုင်းအောင်ဝင်းရဲ့ အိမ်ရှေ့မှာ ဖြစ်ပြီး သူရဲ့ ယောက်ဖဖြစ်သူ စိုင်းညွန့်မောင် ခေါ် စိုင်းအိုက်က ဒဏ်ရာရပြီး နမ့်ခမ်းဆေးရုံကြီးမှာ တင်ထားရတယ်လို့ စိုင်းအောင်ဝင်းက ဒီဗွီဘီကို ပြောပါတယ်။

[caption id="attachment_65422" align="alignright" width="300"] ဓာတ်ပုံ - ကိုစိုင်း[/caption]“မနေ့ညက ၈ နာရီခွဲပြီး ၅ မိနစ်လောက်မှာပေါ့ သူတို့လာပစ်သွားတာ။ ကျနော်က ထိုင်ပြီး သတင်းကြည့်နေတာ။ မိနစ်ပိုင်းလာက်ပဲခြားပြီး ကျနော်ပြန်ထသွားပြီးတဲ့နောက်မှ ဗုံးကကွဲတာ၊ ကျနော်က မီးပြင်ဖို့ အိမ်ပေါ်တက်သွားတာနဲ့ လွတ်သွားတာ။ အသံက တော်တော်ကျယ်တယ်။ တမြို့လုံးတောင်ကြားတယ်။ မနေ့ညက တပ်မှူးတွေရော၊ စခန်းမှူးရော၊ အုပ်ချုပ်ရေးမှူးတွေရော အားလုံးရောက်လာတယ်။ ကျနော့်ယောက်ဖကတော့ ဆေးရုံတင်ထားတယ်။ ပေါင်မှာရော၊ ခြေသလုံးရော၊ မျက်နှာနဲ့ ၀မ်းဗိုက်မှာရော ဗုံးစလေးတွေ ၀င်သွားတယ်။

ဗုံးပေါက်ကွဲတဲ့ အိမ်ရှေ့ကွင်းပြင်မှာ ၁ ပေနီးပါး တွင်းကြီး ဖြစ်သွားသလို အိမ်နံရံကြွေပြားတွေ ကွာကျခဲ့ပါတယ်။

နမ့်ခမ်းမြို့နယ်ရဲစခန်း တာဝန်ကျရဲဝန်ထမ်းတဦးကတော့ ဗုံးကွဲမှုနဲ့ ပတ်သက်လို့ အသေးစိတ် မပြောနိုင်သေးသလို တရားခံဖော်ထုတ်ဆဲပဲလို့ ပြောပါတယ်။
“မနေ့က နမ့်ခမ်းမှာ ဗုံးပေါက်တာ ဟုတ်ပါတယ်ခင်ဗျ၊။ အချိန်ကတော့ ည ၉ နာရီလောက်ပါ။ ဗုံးအမျိုးအစားတွေဘာတွေကျတော့ ခွဲခြားလို့မရသေးပါဘူး။ သက်တိုင်ရာ ဘီအီးတပ်တို့ ဘာတို့နဲ့ ညှိနှိုင်းပြီးတော့ သွားရှင်းတယ်။ ဆေးရုံကြီးဘေးက နောင်ဇန့်ရပ်ကွက်ထဲမှာပါ။ အသေးစိတ်အခြေအနေတော့ ကျနော်တို့ မသိရသေးပါဘူး။ ကျနော်တို့ ဌာနဆိုင်ရာကလူကြီးတွေ ဆက်ပြီးအရေးယူဆောင်ရွက်ဖို့ စီစဉ်နေပါတယ်။”

ဒေသခံတွေအကြားမှာတော့ ဆိုင်ကယ်စီးလူ ၂ ဦးက ဗုံးပစ်ပေါက်သွားတာလို့ ပြောဆိုနေကြပါတယ်။

စိုင်းအောင်ဝင်းကတော့ ရပ်ရေးရွာရေးနဲ့ တောင်သူလယ်သမားအခွင့်အရေး ကာကွယ်ပေးရေးတွေ ဆောင်ရွက်နေတာကို မလိုလားသူတွေက လုပ်တာလို့ ယူဆကြောင်း ပြောပါတယ်။
ခုလို ခြိမ်းခြောက်ခံရပေမယ့် ပြည်သူတွေအတွက် လုပ်စရာရှိတာ ဆက်လုပ်သွားမယ်လို့ ဆိုပါတယ်။
မေလကုန်ပိုင်းကလည်း နမ့်ခမ်းမြို့နယ်မှာ နောင်ခမ်းနဲ့ ကောင်းမိုင်းရွာကြား ဆိုင်ကယ်စီးလာသူ ၂ ဦးကို ဗုံးထိမှန်ခဲ့လို့ ၁ ဦး သေဆုံးပြီး ၁ ဦး ဒဏ်ရာရခဲ့ပါတယ်။