မန်ယူအသင်းနဲ့ ကန်မယ့်ပွဲစဉ်မှာ အာဆင်နယ်အသင်းအနေနဲ့ ခြေချော်ပြီး မန်စီးတီးက ချန်ပီယံဖြစ်သွားလိမ့်မယ်လို့ အင်္ဂလန်နဲ့ မန်ယူနိုက်တက်က နောက်ခံလူဟောင်း ဂယ်ရီနဗီးလ်က ခန့်မှန်းပြောသွားပါတယ်။
ပရီးမီးယားလိဂ် အမှတ်ပေးဇယားမှာ အာဆင်နယ်က မန်စီးတီးထက် တပွဲပိုကစားပြီး တမှတ်ပဲ အသာရနေတာပါ။
အာဆင်နယ်အသင်းဟာ ဒီတပတ်ပရီးမီးယားလိဂ်မှာ မန်ယူအသင်းရဲ့ အိမ်ကွင်းမှာ သွားရောက်ရင်ဆိုင်ရမှာပါ။
အဲဒီပွဲစဉ်မှာ အာဆင်နယ်အသင်း အမှတ်လျော့ကျမှာဖြစ်လို့ နောက်ဆုံးပွဲစဉ်မတိုင်ခင်မှာပဲ မန်စီးတီးက ချန်ပီယံဆုဖလား ရယူသွားလိမ့်မယ်လို့ နဗီးလ်က မှတ်ချက်ပေးပါတယ်။
အာဆင်နယ်အသင်းဟာ မနှစ်ကရာသီထက် ပိုပြီးကောင်းမွန်လာတာမှန်ပေမဲ့ မန်စီးတီးအသင်းက ပိုပြီးပြည့်စုံတဲ့အသင်းဖြစ်ကြောင်း ဂယ်ရီနဗီးလ်က ပြောသွားပါတယ်။
မန်စီးတီးက လာမယ့် စနေနေ့ အစောဆုံးပွဲစဉ်အဖြစ် ဖူဟမ်နဲ့ ယှဉ်ပြိုင်ရမှာဖြစ်ပြီး အနိုင်ရမယ်ဆိုရင် အာဆင်နယ်ကို ၂ မှတ်ဖြတ်ပြီ ဦးဆောင်နိုင်မှာဖြစ်ပါတယ်။
Photo - REUTERS/Molly Darlington
